Виктор Осимен, Нигериецот кој на Галатасарај му донесе шампионска титула откако на Наполи му го оствари сонот за скудето, сега повторно се врати во Истанбул каде по втор пат го пречекаа илјадници навивачи. Турскиот клуб му го откупи договорот од Италијанците и го направи најскапо платен играч. Галатасарај ќе плати 75 милиони евра во две рати: 40 милиони и 35 милиони. Осимен лани постигна 37 гола и имаше 8 асистенции на 41 натпревар.

Интер Мајами со 2-1 го совлада мексикански Атлас во Лига Купот во кој учествуваат екипи од САД, Канада и Мексико. Лео Меси намести два гола со прекрасни асистенции, се закачна со еден противнички фудбалер а на крај славеше пред друг внесувајќи му се во лице.

Ексцентричниот долгогодишен сопственик на ФСЦБ (некогаш Стеауа Букурешт) Џиџи Бекали неколку дена пред реваншот со Шкендија по поразот 1-0 во Скопје изјавуваше дека глатко и лесно ќе пројдат, дека ќе дадат 4-5 гола, дека се сигурни на домашен терен. Но на крај Шкендија победи 1-2 после голем пресврт и го елиминираше некогашниот европски шампион од квалификациите за ЛШ.

Македонскиот шампион Шкендија од Тетово повторно ја совлада ФЦСБ (некогашна Стеауа Букурешт) овојпат среде Романија со 1-2. По триумфот во Скопје 1-0, Тетовци синоќа триумфираа со головите на Лиридон Латифи во 33' минута и Ване Крстевски во 87-ма минута.

Со број 58 на дресот кој веројатно нема да му биде конечен сезонава туку ќе избере некој посоодветен, најдобриот германски фудбалер Флоријан Вирц кој е најскапо платен играч во историјата на англискиот фудбал, постигна дебитантски гол за Ливерпул. На пријателска против Јокохама Маринос (1:3). А новајлијата Фримпонг имаше асистенција за гол.

Пред да се приклучи на репрезентацијата на Словенија на подготовките за Еуро2025, Лука Дончиќ (летово во топ форма) завршувал некои обврски кон спонзорите. Во паркот Дајкман во Њујорк на еден турнир во баскет, Дончиќ слушал музика по свој вкус и ги забавувал присутните со шут од далечина.

За време на дуелот од женската НБА лига меѓу Голден Стејт Валкајрис и Атланта Дрим имало мал прекин поради уфрлен предмет на паркет.

„Јас, вакво лето, со толку многу загинати на планина не паметам. Над секоја граница сме“, вели претседателот на Националната спасувачка служба на Алпите, Маурицио Делантонио по шокантните вести за огромен број загинати лица на алпскиот масив.

Со последните новајлии во Манчестер Сити, Пеп Гвардиола и официјално надмина 2 милијарди евра потрошени на трансфери во неговата богата и трофејна кариера, стана прв што постигнал ваков рекорд.

За јахтата на легендарниот Меџик пишувавме во пар наврати. Сега излезе видео од игралиштето за кошарка на самата луксузна чудесија. Со поглед на Барселона, градот во кој пред 33 години на доминантен начин со Дрим тимот освои злато на Олимписки Игри.

Шкотската фудбалска федерација решила да најми авионски стратези кои тренираат пилоти со цел да ја подобри комуникацијата меѓу ВАР собата и теренот во шкотскиот фудбал сезонава.

Некогашниот фудбалер на Ливерпул, Флоран Синама Понгол, сигурно заборавен од многу следбеници на Премиер лига, веќе долго време не е активен на фудбалските терени. Ама затоа со уште еден поранешен фудбалер на Ливерпул, Антони Ле Талек смислиле што да поиграат - футголф, супер интересна занимација која секој треба да ја проба.

Познатиот глумец бил гостин во Саудиска Арабија а при гостувањето го посетил и клубот Ал Итихад на Карим Бензема. Им се обратил на играчите во соблекувална пред нивниот важен натпревар против Ал Наср на Кристијано Роналдо.

Новинарот на шпанска Марка, Мигел Кинтана кажал дека е изненаден од начинот на кој Хетафе ги бирал засилувањата. Шпанскиот прволигаш од Ла Лига летово довел тројца фудбалери кои се наоѓаат на листата на 10 најгруби играчи во шпанскиот фудбал: Марио Мартин, Неју и Абкар. Првиот лани имал 5 жолти и дури 3 црвени картони, вториот добил 13 жолти, а третиот исто 13 жолти картони.

Женската фудбалска репрезентација на Англија го освои Европското првенство 2025, ја одбрани шампионската титула за најдобра женска селекција на континентот. Во финалето победија на пенали против Шпанија а хероина беше Клое Кели која го постигна победничкиот пенал за европско злато. На прославата во Лондон каде дошле неколку илјади навивачи, Кели одржала говор и малку се опуштила.

На меч меѓу нисколигашките екипи ВВ Стапхорст и СВ Урк во Холандија, Дирк Муис во 80' минута постигнал гол за 3-0, погодок кој ќе биде кандидат за еден од најубавите сезонава.

Прославениот српски кошаркар кој играше за Црвена звезда, Будуќност, Минесота Тимбервулвс, Валенсија, Реал Мадрид, Тау Керамика, Ефес Пилсен и Сиена, во кариерата освои светска шампионска титула во 2002 година во Индијанаполис а во 2001 ЕП во Турција. Освојуваше титули и во Шпанија, Италија и Турција. Важи за луд вљубеник во бендот Ајрон Мејден а на социјалните мрежи често објавува слики од концертите на кои бил. Од Австралија па до Јужна Америка. Само летово бил на дури 13 концерти на Ајрон Мејден на нивниот јубилеј 50 години постоење.

Предводен од 30-годишниот Пеле, Бразил стигнал до титулата светски шампион на Мундијалот 1970 во Мексико откако во големото финале ја згромил Италија со 4-1. Пеле бил прогласен за најдобар играч на Светското а еве и зошто.

Комо до пред неколку години беше анонимно клубче познато поради истоимениот град со прекрасно езеро. Но клубот од пред некое време ги има најбогатите газди во цела Серија А, индонезиско семејство чие богатство се проценува на неколку милијарди долари. Летово купија многу таленти, дојде и искусниот шпиц Алваро Мората, таму е и Серхи Роберто кој беше капитен на Барселона. Се острат сезонава да бидат големо изненадување во Серија А.

Лука Дончиќ по самиот крај на НБА сезоната со гордост најави дека со големо задоволство ќе дојде да игра на Европско првенство 2025 во август и септември за Словенија.

Стефан Цубалевски, македонски боксерски судија беше во фокусот на еден голем инцидент кога на Европското младинско боксерско првенство беше нападнат од азербејџански тренер на турнирот во Златибор, во Србија.

Долгогодишниот центарфор на Динамо Загреб и на хрватската репрезентација, Бруно Петковиќ кој го постигна фамозниот гол против Бразил на Светско првенство 2022, до скоро беше недопирлив во екипата на Динамо.

НБА лигата видела разно-разни кошаркари, а еден од најдобрите техничари кои играле во таа лига беше Џејсон Вилијамс. Сега има 49 години и игра рекреативно баскет. На времето правеше дар-мар во дресовите на Сакраменто Кингс (со Дивац и Предраг Стојаковиќ), за Мемфис Гризлис, Мајами Хит и Орландо Меџик. Во 2006-та стана шампион со Хит.

Со денови трае бескрајно глупавата дискусија за некој лик што бил фатен со швалерка на концерт на Колдплеј. На истиот концерт камерата го уловила и најголемиот на сите времиња, Лионел Меси но во друштво на сопругата Антонела Рокуцо.