„Реџина Џорџ е беспрекорна. Има две Фенди ташни и сребрен Лексус. Слушнав дека и косата ѝ е осигурана на 10.000 долари. Слушам снимала и реклами… Во Јапонија.“

Како што би требало да им е јасно на сите што бар еднаш биле онлајн во животот, интернетот е застрашувачка работа. И да не мислите така, ќе помислите ако ѕирнете еден од поновите трилери на Нетфликс, „Кликбејт“.

Шетајќи по зајачки дупки полни куриозитети на интернет, блогерка што нема врска со нашево поднебје налетува на сајт за српски филмски локации и на нејзино изненадување, едно од „местата“ достапни за изнајмување е „приватниот луксузен воз на еден поранешен диктатор“. Интересно е да се види текст од некој што никогаш не нѐ видел, а уште поинтересно од тоа е - па, самиот воз на Тито.

Вообичаениот, дотеран изглед кај жени отсекогаш бил „нормална“ работа, ама колку што денес личат една на друга, никогаш порано не личеле. Затоа, сѐ што е готско, мрачно и страшно отсекогаш било дежурно да разбие монотонија.

Кога ќе кажеме Лагерфелд, за жал не мислиме на човекот, туку на брендот, па од таму и не сме сигурни дали би го одобрил. Новиот монограм е занимлив, инспириран од Арт Деко, ама некако несовршен во однос на тоа што Карл беше кадарен да изведе со неколку потези со молив. Како на Фенди логото на пример.

Во 2019, Катрин Денев реши дека нема веќе место во плакарот во Нормандија (како и сите ние, нели, во нашите плакари во Нормандија), па на аукција ги стави цела совршена Ив Сан Лоран гардероба.

Над 100 години откако го погребуваат неговиот создавач, Дракула продолжува да живее како најславниот вампир во историјата. Но, овој трансилваниски благородник кој не е ни првиот фиктивен вампир, а ни најпопуларниот во негово време - за малку ќе останел недознаен, ако не бил еден судбински пресврт. Како една критична битка за авторски права го носи ликот на Брам Стокер во денешниот мејнстрим?

Во некое дамнешно време, пред Менхетн да ги избрка младите таленти заради цени, морало да се биде уметник за да се живее во Сохо. И во доцните ’60 и ’70, се појавил еден културолошки феномен наречен „Лофт Џез“ во напуштените индустриски простории во центарот на Менхетн - еклектични, напредни и често црни музичари ги претворале запуштените поткровја каде што живееле во простори за живеење, пробување, снимање и настапување.

Мод Смит е тип на човек што ќе ја прекрие целата кујна со тапи од шишиња и парчиња скршен порцелан. Нема да стави нови плочки во купатило, туку посветено и рачно ќе ја наслика секоја плочка посебно со некој винтиџ-ботанички дизајн. Она што комшијата ќе го фрли на улица, автоматски станува нејзино направи-сам богатство.

Мислите него му се седи? Не, само на себе мислите.

Неговата оставштина ја споредуваат со таа на Пикасо, во Америка е King of fashion, во Париз е Le Magnifique. Ги ослободил жените од корсети, доминирал во Убавата епоха со богати парчиња и бил прв француски кројач што комерцијализирал сопствени парфеми, што сега е стандарден маркетиншки концепт во индустријата.

Има некои појави во модерниов свет што се толку распространети, што веќе ни стануваат секојдневие. И само пет минути размислување да им посветиш, сфаќаш дека се тешка глупост. Како лајф коуч. Или суперхрана. Или неплатена пракса.

Знае некој да каже колку „Детска игра“ филмови излегоа до сега? Приказните за хорор-куклата Чаки се движеа од сериозни обиди за страшно до самопародирање, ги има еден куп, па некој одлучил дека нема да боли уште една инсталација. Само што, оваа, што доаѓа во октомври, има ново - прво е серија, а второ има геј подтекст.

Она што на сите овие луѓе што се чуваат од вакцините им е заедничкониз целиот свет, е што нивната доверба во државата е еродирана. Ако не го разбереме ова, судено ни е да ги канализираме фрустрациите кон одредени луѓе без да сфатиме зошто всушност ја изгубиле таа доверба.

Денес ретко се гледаат непипнати фотографии на толку апликации и програми за манипулација, ама тоа не значи дека некој век претходно, само затоа што ги немало, не се правеле напори за разубавување.

Двојката Ли и Даниел Бејкон во моментов ја реновираат куќата во Абердин, Вашингтон во која некогаш живеел фронтменот на Нирвана.

Ништо не се движи така брзо како апликациите за социјални мрежи и во тој свет или се умира како херој (Vine), или се живее доволно долго за да се види како Инстаграм, Фејсбук, Твитер, па дури и Линкедин му крадат финти на Снапчат со - stories.

Супер се рутини за нега на кожа додека не се претера со омилените состојки и не ја свртиш ситуацијата наопаку, далеку од таму каде што сакаш да се доведеш. Сѐ си бара умереност.

Прв пат во животот, Вес Андерсон ќе соработува со Том Хенкс на новиот проект што Андерсон ќе го снима во Шпанија.

Коса „до земја“, широко, размкнато, темно, дури и нешто што буквално личи на кеса за ѓубре - тоа фаќа фотографот Рори ван Милинген на моделот Астор Мајкл-Неш.

Сте се прашале ли некогаш како оди процесот на правење перики, како сето тоа од куп влакна станува фризура, што често знае и да излаже дека е природна? Одиме во кинески-спремна фабрика за перики.

Фантом, новиот „конектиран мирис“ од Пако Рабан користи вештачка интелигенција за да создаде „зголемена креативност“. Дојде иднината.

Класикот над класиците, „Егзорцист“ ќе го дигаат од сон, со директно продолжение на оригиналот, слично како обновувањето на франшизата „Ноќ на вештерките“.

Со уредно испечатена книга и видно возбудена, Бела Хадид се враќа во 2015, па од таму се приближува кон сегашноста низ 15 модни комбинации.