„Има онолку љубови, колку што има срца" - вака почнува трејлерот на новата екранизација на Толстоевата „Ана Каренина", со Кира Најтли во главната улога.

Опен сорс проект за секоја почит. Се прашуваме што би се случило доколку би овозможиле ваква слобода на избор („кога продавницата не работи слободно позајмете книга или платете ми подоцна") во некоја од нашите книжарници.

Музичарот и комичар ДеСторм на неговиот Јутјуб канал ги повика фановите да му постават тешка задача. Нормално, мораше да биде нешто жанровски неочекувано. Како на пример, хип-хоп песна во која се спомнуваат наслови на книги.

Реј Долин, автостопер кој неколку месеци работел на неговата книга-патепис за патувањата низ САД под наслов „Љубезноста на Америка", бил застрелан пред неколку дена за време на едно од неговите патувања. Или не?

Невестата на Џон Ленон има нов концептуален проект: да сними филм кој ќе ги вклучи насмевките на сите луѓе на планетата. 

Нè заинтересира во Crazy, Stupid Love, потоа нè ќари во Drive, за дефинитивно да воодушеви во The Ides of March (и тоа покрај Џорџ Клуни). Ама изгледа Рајан Гослинг уште од мал бил таков, плав и кул.

Aкварел е сликарска техника која во случај на грешка не дозволува ретуширање или поправање. Особено е тешка ако со неа мислите да правите цел филм.

Кога бил издаден во 1979., „Животот на Брајан" на Монти Пајтон бил веднаш забранет во голем број земји, заради наводното богохулие. Следеле гневни протести од згрозени поединци, кои најчесто го немале ни видено филмот.

Пред неколку дена осамна информација дека Кустурица руши спомен-тврдина близу Требиње, затоа што каменот му требал за изградба на неговиот Андриќ-град. 

Набргу ќе изгледа претенциозно, елитистички и старомодно да се пишува што и да е со внимание и грижа. Ако сте на Твитер станувате можни соучесници во овој глобален тренд. 

На денешниот „ден на таткото“ (17.6), кој се одбележува во повеќе земји во светот, едно постаро но антологиско видео, кое сигурно ќе ви направи кнедла во грло. 

Вчера (16.06) во „Камарите“ беа донесени и земени стотина книги. Благодариме на сите што дојдоа, се надеваме си најдовте нешто интересно. Книгите што останаа ќе бидат донирани во двата новоотворени клуба на Црвениот крст на град Скопје.

QR Code е она матрикс баркодче, кое служи за складирање податоци - црни точки и линии распоредени во форма на квадрат на бела позадина. E, истиот мотив баба Јела од Лика го плете и везе уште од мала.

Вчера дознав информација, рамна на урбана легенда - дека некаде во Автокоманда постои магацин на книги на Универзитетската библиотека во кој вработените се плашат и да влезат.

Пред некој ден добив плоча од Џони Кеш, и ми падна мака - не ја собира во лаптоп, а во шпорет не свири. Слушањето музика на интернет и не е некоја замена за грамофон, ама па супер легнува која некој ќе ви ги собере на едно место сите ретки снимки на Кеш, овој пат во дует со Дилан.

Прокрастинацијата, или одложувањето на непријатните и тешки обврски, е генерално човечко искушение. Ама сега некој нашол чаре барем за писателите, оние склоните кон пролонгирање на рокот за завршување на нивните текстови и ракописи. 

Во недела на Школка ќе се одржи трибјут на Битлси - групата во која „Ленон беше душата, Харисон духот, Пол срцето, а Ринго тапанарот". На 50 години од придружувањето на последниов кон групата, неговата родна куќа е спасена од демолирање.

После успешната минатогодишна акција, повторно размена на книги. Овој пат во „Камарите" (Дебар маало, поранешна „Липа"), сабота од 19-21 часот.

Владимир Арсенијевиќ за еволутивно разбирливиот феномен на гушкање, потчукнување и друг вид телесно општење, но во рамки на една специфична човечка заедница - српски политичари. Кога е веќе зоологија во прашање, ако теоријата држи за српските, нема причина истата да не важи и за македонските, или за кои било други политичари.

Сосема е сигурно дека ако ја исклучите музиката од некој филм кој се води како хорор, тој во голема мерка ќе изгуби од „страшноста". Еволутивниот биолог Даниел Блумштајн од Универзитетот Колумбија објаснува зошто е тоа така.

Во секој муабет околу некакви „правила" за добро пишување ќе се најде некој кој ќе потсети дека најголемите книжевни дела ги напишале автори кои токму таквите правила ги кршеле. Искуството покажува дека некои совети околу раскажувањето сепак би требало да се послушаат. 

Aко не сте го гледале „Бразил" на Гилијам („Страв и омраза во ЛА", „Имагинариумот на д-р Парнасус") веројатно е време тоа да го направите. Мешавина на научна фантастика и сатира, тоа е приказна за еден тоталитарен свет, сличен на оној во Орвеловата 1984-та, но со многу црн хумор.

Она што во Македонија сè уште не сме го усовршиле како маркетинг aлатка се оние кратки „осврти" на кориците (таканаречени blurbs), кои често ја продаваат книгата, особено ако таа е од автор за кого слушате прв пат.

Балканските народи можеби негуваат меѓусебна омраза, ама околу едно се согласни: модерните државни системи се најголемиот душман на „нашиот“ човек, митолошкиот бог на измамата. Целата историја на таканаречениот напредок, е завера како тој да се заебе. Избор на антологиски примери во кои тој - јунакот - го возвраќа ударот.