Вчера, замаена од горештините, брзајќи да не загорат пржените тиквички и да не се стопли пивото, дур со насолзени очи го сечев кромидот за салата - се пресеков. Черчил би позавидел на перфектниот драматуршки спој на крвтта, потта и солзите, кои тој им ги ветуваше на Британците.

Кога ќе чуете „флешмоб" веројатно прво помислувате на група тинејџери кои играат на „Трилер" среде трговски центар, или на некаков камерен оркестар кој свири класично дело среде метро. Ама 200 души кои изведуваат дело од Филип Глас, специјално создадено за оваа прилика?

Клагенфурт во Австрија до скоро немал јавна библиотека, па одлучил самиот да се претвори во неа.

Што се случува кога податоците кои укажаа на постоењето на бозонот ќе бидат претворени во ноти? Ова личи на хабанерата од „Кармен“, или на некоја весела етида за пијано.

Во клипче од три минути снимено во еден кадар, преку „Прекрасен свет" на Луј Армстронг, ги следиме повеќето фази низ кои има поминато музиката, од грегоријанското пеење (10 век), до дабстепот (21 век). Како тргнало, песнава за некоја година нема веќе да се препознава.

Доволно е тешко кога се составува државна или спортска химна, ама Британците имаат поголема мака. Тие деновиве треба да изберат национална химна за - сирење!

Дел од текстот на Саша Илиќ за трендот на ексхумација и повторно закопување на српските великани „по законите божји". Сега на ред е пепелта на Никола Тесла.

Вчера (9.7) Том се појави во Лејт шоу, прв пат изведувајќи во живо песна од новиот албум Bad As Me, со син му Кејси на тапани. Нормално, не издржа малку да го зачини интервјуто, презентирајќи еден чуден, немузички артефакт.

Еден од помалку познатите факти од животот на славниот актер е дека татко му, Роберт Хенри де Ниро сениор, бил сликар-експресионист. Во овој текст синот зборува за нивниот по малку резервиран, но сепак длабоко емотивен однос, како и за почитта кон уметничкото наследство на татка си, за кого сега снима и документарец.

Јазикот е пронајдок кој одиграл суштинска улога во нашето формирање како посебен, човечки вид. Еве еден фин книжевен трејлер на оваа тема.

Кога чувме за тоа дека во Бразил била воспоставена програма според која за секоја прочитана книга затвореникот може да добие наградно скратување на казната, помисливме дека идејата е супер. Но воопшто не се сетивме и на обратната можност - да лежиш апс наместо да читаш. За среќа има кому му текнува..

Одамна се спремам да му се одолжам на Влатко. Не, не ми направил некаква посебна услуга. Просто за некои луѓе, иако не ги познавате баш добро, и не ви се најблиски пријатели, имате чувство дека му додаваат вредност на вашиот живот, со самото тоа што постојат и создаваат во исто време и на исто место со вас.

Кога денот ќе ви тргне со омекнато срце, целиот интернет кова завера тоа така и да продолжи. 

Дилан ја снимил „Засекогаш млад" во 1974, за албумот Planet Waves. Тоа е класична „татковска" песна, инспирирана од неговиот тогаш 4-годишен син Џејкоб, кој подоцна стана фронтмен на The Wallflowers. Од тогаш голем број музичари ја имаат преработено, како Џони Кеш, Род Стујард, Притендерс и Нора Џонс.

Прстен кој некогаш ѝ припаѓал на Џејн Остин ќе биде даден на акуција во Сотби. Авторката на „Гордост и предрасуда", „Разум и чувства" и „Ема" никогаш не се мажела и немала деца, но прстенот останал во сопственост на нејзиното семејство по нејзината смрт во 1817.

Арапските дипломати во Франција се остро критикувани заради повлекување на паричниот дел од книжевната награда која ја спозорираат. Причина за повлекувањето: лауреатот, познатиот алжирски писател Буалем Сансал, неодамна го посетил Израел.

Кога уредникот не е тука, Букбокс коло води. И тоа на ситен песок.

Неколку креативни лингвисти од британскиот Кралски уметнички почна да создава звучен речник на извици преку кои комуницираме на интернет.

„Физичарите низ целиот свет се радуваат на откритието на Хигсовиот бозон" - вака гласат насловите на денешните вести. Епа некои физичари кои ги знам не се воодушевени.

„Последниот капиталист кој ќе го обесиме ќе биде оној кој ни го продал јажето" - преку парафраза на овој Марксов цитат уличниот уметник Ајсо (Eyesaw) го изразува протестот кон сè поагресивната рекламна индустрија.

Како вљубеник во интерпункцијата и во сето она што таа може да го стори овој текст ептен ме бендиса. Тој се однесува на едно „копиле" од знак, ни точка ни запирка, кој може и тоа како да биде креативно употребен, ако се најде во вистинските раце.

Некој да ви кажеше дека и епитафот - таа бесмртна книжевна форма - еден ден ќе умре, ќе се насмеевте. Сега и нему треба да му се смислува епитаф.

Сопственичка на книжарница и издавач, во последно време, како и повеќето мали издавачи низ светот, почнала да ги чувствува последиците од дигитализацијата. Екстремно тешките моменти бараат екстремни мерки, помислила Етерна Каденција, и почнала да печати книги со посебен вид мастило.