Долго време сметана за највлијателната буква во латинската абецеда, Е на преминот на векот беше главна фраерка во дигиталниот свет. Е-ова, е-она...ама во последниве години почнаа да не ја играат.

Таман на време за празниците и за студовите кои следат, еден малку порадикален метод на изработка на шалчиња, ракавици и пуловери. Ако сте женско, сè што ви треба е волница и игли. Друго си имате.

Вториот дел како да научил од мааните на првиот, и и покрај тоа што не нуди нешто посебно ново, е сепак поубедлив. Иако Вуди уште не си ја измил косата.

Сајтот е црн. Од време на време се појавуваат реченици кои полека исчезнуваат од екранот. Во сите нив го има зборот „љубов". И тоа е отприлика сè.

Парче смрдливо сирење, брадавици, закани од атомски бомби, извесен Карун, ткива, жлезди и многу пот се овогодинешните врвови во лошите книжевни описи на сексот. Но само еден од нив ја доби престижната награда - Maнил Сури, за книгата „Градот Деви“.

Правењето мост си е градежен занает и мака за себе. Правењето мост од фонт е типографски занает и благо лудило по себе. Зошто некој би го правел тоа? За да покаже дека му се може.

Човекот кој ја создаде Мона Лиза и првата скица за хеликоптерот бил визионер и на полето на градењето инструменти. Еден од нив неодамна конечно ги произведе првите ноти.

Како што наближува крајот на годината, така почнуваат да се појавуваат списоци на „нај" книги за 2013. Но најзначајната можеби никој нема да ја спомене. Зошто? Затоа што таа не е книга туку - видео игра.

На денот кога се одбележуваат 90 години од раѓањето на Марија Калас, за несудениот биографски филм за неа режиран од една - актерка.

Утре, 1.12, во Хрватска ќе се одржи референдум за бракот, кој доколку помине успешно ќе овозможи Парламентот да покрене постапка за уставни промени, според кои бракот во него ќе биде дефиниран како заедница на еден маж и една жена. Каква врска имаат со ова писателите? Епа имаат...

На 70-годишнината од создавањето на некогашна Југославија останаа куп (што добри, што лоши) спомени на оние кои живееа во неа, но и исто толку етно-културолошки НЗС-а за нешто што сега еуфемистично го нарекуваме „на овие простори", кога мислиме на оние делови од Балканот кои некогаш не ги делеа граници. Една песна на Хладно пиво пее токму за нив.

Германскиот издавач на речници Langenscheidt организираше гласање за „Најмладешки збор на годината“. Меѓу првите на списокот има и по некој германски.

Од новата серија Masters of Sex до сега сме поминале само неколку епизоди (од вкупно 12-те од првата сезона која ќе заврши во декември), но во тоа веќе гледаме почеток на едно убаво пријателство. Кои биле всушност Вилијам Мастерс и неговата асистентка Вирџинија Џонсон?

Што мислел Крлежа за улогата на ВМРО во македонската историја? Што им замерил на Конески и на Крсте Црвенковски? Зошто најпрвин го одбил Струшкиот венец и воопшто, каков бил неговиот амбивалентен однос кон нашата земја, во која сега има и своја улица?

Има така денови кога ти е мило што си го вклучил компјутерот. Бидејќи си налетал на нешто вакво.

Пред некое време пишувавме за ФБИ досието на Вилијам Волман, американски писател, кој бил следен заради наводни терористички активности. Сега на виделина излегоа уште некои апетити на федералните агенти, од пораната книжевна историја - животот и делата на Сартр и Ками.

Дали и вам ви се чини дека ако во СМС или на чет некој ви стави точка значи дека ви се лути? Еден навидум сосема обичен интерпункциски знак кој означува крај на реченица изгледа дека полека добива сосема нови димензии.

Вчера Шефот ја обелодени насловната песна од новиот албум. И на него, како и на досегашните, сигурно ќе има библиски референци, и некој женски лик кој се вика Мери.

МО_Е_Е Д_ Г_О П_ОЧИ_АТ_ ОВ_? А АКО Е НШПИАНО АВАК? Можеби ќе ви треба повеќе време, но веројатно ќе успеете. Ако замислите како е да го читате секој сајт и секој текст на овој начин, тогаш сте малку поблиску до разбирањето на дислексијата.

Едно попладне во октомври 2005, невронаучникот Џејмс Фалон разгледувал снимки од мозоци на сериски убијци. И открил нешто неверојатно, за што напишал и книга.

Следнава приказна покажува дека сè што можат да направат историските лексикографи е да го регистрираат најстариот доказ за употреба на некој збор, но не и со прст да покажат кој е неговиот автор. Таа исто така покажува дека не треба пијани да се симнувате по скали, барем не без трезна придружба. 

Организацијата Хрватски светски конгрес, која го обединува хрватското иселеништво, наскоро пред судот во Париз ќе почне судски процес против американскиот музичар, но и против списанието кое ја има објавено неговата спорна изјава.

Начинот на кој дојдов до оваа книга во голема мерка е мета-приказна за нејзината содржина. Обидувајќи се без успех да влезам во трагата на „Тажните тропи" од Клод Леви-Строс, за која како низ тропска магла се сеќавам дека некогаш ја бев била имала (употребено граматичко време - претерит), истата ја најдов електронски и во нејзиното српско издание.

Во последно време објавивме неколку експериментални фотографски проекти, кои ги користат новите технологии за поинакво визуелно „читање“ на добро познати појави. Еве уште еден таков - микроскопски приказ на солзи. Ги има секакви, од радост, од мака, и од кромид. Нашите би биле од зјапање во компјутер.