“Bona to vada your dolly old eek!” Ова може да звучи како бесмислена реченица, но всушност бил вистински поздрав помеѓу геј мажите во Британија во 1950-тите и 1960-тите. Значи „Фино што ти го гледам убавото лице“ и е изговорена на јазик кој се нарекува полари.

„Теоријата на благонаклоно реметење“ е уште една во редицата обиди да се објасни природата на хуморот. Работата е што луѓето главно не се благонаклони, па оттаму и реметењата стануваат не-смешни. 

„Просветителство“ ни асоцира на мртви бели мажи со перики. Но за Пинкер, вечниот оптимист, ова не е одамна минат и заборавен период од човечката историја, туку претставува збир вредности кои ги почитуваме и во 21 век, иако можеби не сме свесни за тоа. Да, а?

Славниот француски филозоф има изјавено дека по неговата смрт не сака да бидат печатени неговите недовршени дела. Но оваа недела, по повеќе од 30 години од неговата смрт, во Франција ќе биде издадена негова нова книга, од издавачот Галимар.

Млад руски дизајнер упаѓа во корици на албуми на неговите омилени пејачи и групи, и со тоа станува дел од нивната приказна. Плус малку ги пародизира.

Не зборуваме за она кога имаш лош ден или си нерасположен затоа што е облачно. Станува збор за долготрајно пореметување на чувствата, мислите и однесувањето, чии последици се необјаснива тага и губење интерес за нешта кои некогаш радувале. Границата помеѓу овие нешта може да изгледа тенка, но има сигнали кои упатуваат дека е премината. И тоа во начинот на кој некој зборува.

Премачкан со најцрната боја на свет, Вантаблек Vbx2, еден од павилјоните на зимската олимпијада во Јужна Кореја апсорбира 99% од светлината. Негов автор е архитектот Асиф Хан, а бојата е варијанта на онаа контроверзната црна-црна од пред некоја година.

Вчерашното успешно лансирање и делумно успешно заземјување на Фалкон Хеви на Маск, кој постави рекорд за најтешка лансирана ракета во историјата, направи барем за момент да ги погледнеме работите од поинаков агол - од далеку, од каде изгледаат микроскопски ситни. А се сè она што го имаме.

Можеби и не е ферски што вака ја опишуваме во насловот, но Мелати Сурјодармо експериментира со телото и преку своите перформанси предизвикува „концентрирано ниво на интензитет“ на сличен начин како и нејзината реална менторка.

До 18 март во Париз, во спомен-куќата на Виктор Иго, се одржува изложба на четири збирки уметнички дела кои датираат од периодот пред и за време на двете светски војни. Она што ги разликува од „обичните“ е што се направени главно од анонимни уметници, кои во тој период биле пациенти во некоја од европските психијатриски болници.

За повторно да оживее визијата на Кубертен за соживот помеѓу спортот и уметноста, во Јужна Кореја ќе престојуваат четворица спортисти кои нема да конкурираат за медали, туку ќе снимаат филмови или ќе сликаат. 

Се случило во 1914, во лондонската Национална галерија на портрети. На сликата, која била намерно оштетена, е прикажан Томас Карлајл, еден од основачите на галеријата. А сторителот била жена по име Ан Хант, која го извршила делото како дел од милитантна кампања чија цел била жените да добијат право на глас.

Некои тоа го прават заради слава, други за пари, трети за џабе. Според различни теории, пишувачкиот поттик е поврзан со сексуалните нагони, со потребата човек терапевтски да се испразни или пишувајќи да се обиде да воспостави контрола над светот и сопствениот живот. Но според Орвел сè се сведува на само неколку причини.

Вчера (2.2) во домашни услови се случи колективно гледање на „Граундхог деј“, филмот кој имено се случува токму на втори февруари. На еден од петмината кои (колку и да звучи необично) дотогаш го немаа гледано, во моментот кога во него се цитира Чехов, му текна на расказ на овој автор, кој во некои клучни елементи асоцира на филмот.

Победувајќи ги „блокчејн“ и „најс“, англискиот збор „инфлуенсер“, кој се користи и кај нас за влијателни поединци на социјалните мрежи, e „нај“ англицизам во германскиот минатата година.

Oпасен преседан, начин да се поттикне дискусија или бришење на минатото? Ова се некои од реакциите на неодамнешен потег на британска галерија. 

„Чисто месо“, историја на тн. целуларно земјоделство, интердисциплинарна област која спојува клеточен инженеринг и синтетичка биологија за да дизајнира нови начини на производство на постоечки земјоделски производи како млеко и месо, има интересна обвивка. Изработена е од лабораториски добиена кожа од - медуза.

Славниот композитор, 22 години по последното дело инспирирано од Боуви, ѝ се навраќа на неговата музика. 12-тата симфонија, трета базирана на музика на Боуви, овој пат на албумот „Лоџер“, ќе ја доживее својата европска премиера во центарот Саутбенк во мај 2019.

„Континентал“, лоциран во Ист Вилиџ на Менхетен, постои од 1991. На 1 јули оваа година ќе мора да затвори. Но газдите се очигледно решени претходно да направат нешто по што местото ќе биде запамтено.

Од сите книжевности на светот, најмистериозната припаѓа на Велигденските острови, денес чилеанска територија во југоисточниот Пацифик. Таа е напишана со писмо - ронгоронго - кoe сè уште никој не го дешифрирал. А можеби е и подобро тоа никогаш да не се случи.

За Холанѓаните масовното познавање на англискиот долго време претставуваше извор на национална гордост. Но некои од нив сметаат дека со него се претерува, и дека целата работа треба да се регулира. За Амстердам тоа подразбира и негово „бркање“ од продавници, ресторани, па дури и од продавници за сирење.

Не знаеме за вас, но нам ни е потребен посебен напор - фаќање белешки, потцртување, навраќања - за да успееме да запамтиме за што е книгата во текот на читањето, а камоли после некое време. Можеби е до годините, а можеби до тоа дека во просек тоа е нормална работа.

Следнава читачка вест на денот покажува како изгледа разлика помеѓу сељак и селанец - додека првите затвораат библиотеки, вторите протестираат против ваквата одлука.

Пред неколку дена беа објавени овогодинешните кандидати за Оскар, а на списокот води филмот на Гиљермо дел Торо, со 13 номинации, меѓу кои оние за најдобар филм, режисер и актерка. Но целиот процес го следат контроверзи, околу тоа дали „Обликот на водата“ е плагијат на претходен краток филм, односно на драма на добитник на Пулицер.