Станува збор за Опортјунити, роботски ровер кој е на Марс од 2004, а кој го има надминато својот оперативен план за цели 14 години и 215 денови (земско време). На 10 јуни 2018 заради голема песочна бура е загубен контакт со него и од тогаш веќе не е разбуден.
Сега двајца британски научници, Доменико Вичинанца и Женевиев Вилијамс, со помош на тн. сонификација на податоци, успеаа да создадат музика од една единствена фотографија направена од роверот. Тоа е 5000-тата слика на изгрејсонце на Марс, а „сонификацијата“ се однесува на тоа дека на секој нејзин пиксел научниците му доделиле висина на тон и мелодија.
Така, темната позадина произвела меки, бавни хармонии, додека посветлите области резултирале со повисоки тонови. Целото дело звучи точно онака као што би опишале изгрејсонце: мирно, спокојно и едноставно убаво. Доколку станувате рано и некаде каде навистина можете да го гледате изгрејсонцето (а не само тмурно небо и магла) пуштете си го видеово. Така ќе имате можност да го доживеете двојно, како да сте на две планети одеднаш
