Кога се потиме, паралелно во водата губиме и сол, па затоа освен водата, треба да му ја надоместиме и солта на телото. Доколку се претера со консумација на едно од овие две, телото ја презема работата во свои раце, па ако има премногу течност почнува да ја вади како урина.
„Заради оваа причина млекото може да биде поефикасно отколку пиењето вода. Млекото природно содржи сол и лактоза, кои ни се неопходни во мали количини за да ја помогнат апсорпцијата на водата. Исто така ефикасна е и кокосова вода, бидејќи содржи сол, калиум и јаглехидрати,“ објаснува професорот од Школата за медицина на Сеинт Ендрус Универзитетот, Рон Мон.
Млекото исто така содржи и електролити и макронутриенти, кои се апсорбираат директно во телото. Сето ова го продолжува времето што водата го минува во организмот, што му дозволува на телото подобро да ја апсорбира и задржи течноста.
Во млекото е содржано доволно шеќер за целиот овој процес да се случи, но тоа сепак е многу поразлично од газираните и негазираните пијалаци со шеќер, кои не можат да го започнат целиот процес и на краток рок нè дехидрираат.
Кога е се како што треба телото дозволува само многу мали количества вода да минат низ клетките. Кога овој баланс ќе се разниша, на пример нема доволно сол, телото го зголемува протокот на вода низ клетките, а со тоа и брзината со која водата минува низ нашите црева пред да биде исфрлена од системот.
Сосема посебна категорија се спортските пијалаци со електролити, кои содржат и натриум, калиум, магнезиум и калциум. Овие пијалаци се направени да ги таргетираат механизмите на телото и да го забават движењето на течноста низ цревата за да може да биде подобро апсорбирана во телото.
Сепак спортските пијалаци пред се за спортисти кои преку потење губат големи количества вода на подолг временски период, и не се згодни за надоместување на течноста кај луѓе со не така активен живот.
„Спортските пијалаци содржат јаглехидрати, кои во основа се шеќер - и не се неопходни ако цел ден седиш на биро и не ти треба дополнителна енергија.
Натриумот игра важна улога кај стотици биохемиски реакции во телото, и токму електролитите ги губиме во најголеми количини во потта кога вежбаме,“ објаснува консултантката за перформанс исхрана на елитни и професионални спортисти, Софи Килер.
Истото го повторуваат и други научници, според кои просечниот човек со просечен режим на вежбање не губи премногу вода за да мора да надоместува со спортски пијалаци.
Нивната препорака пред вежбање е да се напиеш чаша вода и да земеш парче овошје. Како пример наведуваат банана, препорачана доза половина, која содржи шеќер и 24 видови полифеноли, кои се доволни за да ја задржат водата во телото.
Слично правило важи и за децата кај кои се покажало дека се подобро хидрирани кога редовно консумираат овошје и зеленчук.
Најпростата препорака што Килер ја има за хидрирање, е да се напиеш вода со јадењето, што ќе помогне таа значително да се задржи во телото.
Ако веќе се држите до вода, тогаш препораката е да се пие по малку во текот на денот, и да не се оптоварува телото со големи количини одеднаш.
