„Се работи за професионален политички напад. Три бранови на напади еден по друг не се коинциденција. Добар простор, добар тајминг, апсолутно професионално. Ама кој тоа? - ќе се запрашате. Е, тоа бара малку копање по работите,“ започнува една твитер нишка акаунтот @wokal_distance.
Видео компилацијата од Роган со проскрибираниот н- збор го објавија пред една недела @patriottakes. И тоа на двапати, јасно давајќи до знаење дека тие стојат зад видеото.
Како што може да се види во нивното БИО, @patriottakes се партнери со @MeidasTouch.
Кои се МеидасТач? Се работи за професионална политичка организација. Поконкретно за Демократски „Супер ПАК“ воден од тројца браќа: Брет, Бен и Џордан Мајсалес.
„Супер ПАК“ е „ПАК“ со финта: тоа се организации кои за разлика од стандардните партиски ПАК-ови, можат да собираат неограничен број финансиски средства од корпорации, унии, асоцијации и поединци и да ги трошат на политички субјекти како што сакаат.
МедиасТач имаат собрано 4,7 милиони долари во 2020 и 1,5 милиони долари во 2021 година.
Сите браќа во МедиасТач имаат работено во медиуми и имаат експертиза во познавање и манипулација на медиуми. Брет бил менаџер на социјалните акаунти на Елен Деџенерес и експертски уредник.
За сумирање: СуперПАК-от МедиасТач кој може да собере колку што пари сака од разни извори и да ги користи во политички цели, а истовремено е фирма за медиумски и други стратегии, водена од лица со длабоки врски во јавниот живот, најверојатно има некој удел од компилацијата со која @patriottakes го нападнаа Џо Роган.
Зошто?
Роган е еден од ретките луѓе кои разбудените уште не можат да го канселираат. Тоа со душа го сакаат затоа што им ја зема публиката а не игра по нивни правила. Да потсетиме, CNN Прајмтајм го гледаат 0,82 милиони луѓе а епизода на Роган е гледана од 11 милиони луѓе.
Ако @patriottakes и @MeidasTouch успеат да го скинат Роган, тоа ќе им биде сериозен капитал во прогресивните игри на моќ.
„Групата која ќе може да каже „ние го скинавме Роган, а ако сме можеле него, ќе можеме кого сакаме“ ќе има огромна моќ и долго ќе мавта со голем меч“, пишува @wokal_distance.
За оние кои веруваат дека критиките кон Роган биле спонтани и органски, се наведуваат примери од различни твитер акаунти, истоветни од збор до збор.
Приказната е занимлива и заради самиот Роган и неговата масивна медиумска гравитација но и заради тоа што неговиот подкаст станува платформа на која им се дава збор на луѓе како Џордан Питерсон и други кои корпоративните медиуми долго време не можат да ги смислат.
************
Види и:
