Грапата смета дека најбогатиот човек на светот со својата хуманитарна фондација само се обидува да го прикрие злото на кое се темели неговата империја, а тоа е монополот на речиси целиот телекомуникациски сектор во Мексико и екстра профитот кој таквата положба му го носи.
Карлос Слим последните години дава огромни пари за бесплатни онлајн курсеви и други образовни иницијативи а во библиотеката говореше за инвестициите во прочуената онлајн академија основана од Салман Кан.
30-тина минути траеше смеењето на протестантите (прилично глупо, како и секое вештачко смеење), по што еден од нив стана и ја објасни причината: "Вашата хуманитарност е за смеење ама вашиот монопол не е. Вие ги цедите вашите корисници и го угнетувате мексиканскиот народ," извика еден од нив по што групата со пластични свирчиња го отсвири Империјалниот марш на Дарт Вејдер.
Идејата за исмевањето е увезена од Индија, каде своевремено стотици луѓе секојдневно се собираа пред седиштето на нивниот гувернер и со заедничко смеење му порачуваа дека нема да успее во намерата да ги контролира и заплаши. Тој тогаш не истапи од функцијата но ги изгуби следните избори.
Инаку, хуманитарните иницијативи отсекогаш биле еден од омилените начини на богатите луѓе или да ја смират совеста или, што е поверојатно, ефикасно да го полираат својот јавен имиџ заради доброто на својот бизнис.
Самата библиотека во која говореше Слим е плод на семејството Карнеги кое на почетокот на 20-от век даде мултимилионска донација (денес би била вредна билијарди) за отворање јавни библиотеки во Њујорк.
Звучи прекрасно, ако не се знае дека богатството на ова семејство е резултат на ужасна експлоатација на
работниците и брутално кршење на нивниот синдикален отпор. Особено во 1892- година, за време на прочуениот Хоумстед штрајк, кога семејството најми 1.000 платеници од детективската организација Пинкертон прво да ги пополнат испразнетите од штрајк работни места а подоцна и крваво да се пресметаат со работниците.
Неколку години подоцна, Карнеги великодушно инвестираат во јавното добро и ден-денес библиотеки и други културни институции го носат нивното име кое звучи благородно.
Еве како, по овде добро познатата франшиза, се спремаа и како го реализираа својот протест тамошните противници на Карлос Слим.
Се очекува во текот на денов, Жарко Трајановски на Фејсбук да ја истакне својата поддршка за њујоршките случувања а потоа истата на 17 страници да ја образложи на сајтот Окно, ако за тоа се најде место покрај колумните на Саше Паралитико на кого му го честитаме бракот и искрено му посакуваме барем во тие води да се снајде добро.
