За 95-годишен човек кој е жива легенда, ги има создадено некои од најпрепознатливите ликови во поп-културата, и врз неговата работа се базираат филмови што заедно заработија над 15 милијарди долари, за очекување е дека староста ја минува лагано, без драми и генерално ужива во сето она што го создал. За Стен Ли не е така.

Западната историја и поп култура го моделираат Винстон Черчил како генијален војсководец, вешт оратор и забавен љубител на добрата капка. Но, секое салутирање на неговиот лик и дело стои врз скелетите на барем три милиони луѓе кои Черчил ги носи на душа, потсетуваат Индијците.

Сторми Даниелс е порно ѕвезда која може, а може и не, имала секс со Трамп пред повеќе од 10 години, отприлика во времето кога на американскиот претседател му се раѓа петтото дете (од третата сопруга). Од јануари годинава Даниелс станува една од најголемите потенцијални опасности за Трамп.

Наспроти нашата пуста верба дека „на лагата ѝ се кратки нозете“, Џонатан Свифт на времето напиша „Лагата лета а Вистината доаѓа после неа и се тетерави“. За жал, она што пред три века била само хипербола, денеска е прецизен опис на функционирањето на социјалните мрежи.

Шест години по смртта на Гадафи неговиот замрзнат имот во Брисел носи камати од милиони долари. Она што не се знае е на кого точно му носи.

Гардијан започна серија статии со наслов Upside посветени на реалности кои се добри и влеваат верба во иднината. И не е чудно што еден од првите текстови е посветен на Финска, земја која денес е фасцинантна по сите линии а е истата онаа територија која пред 150 години изгуби 250.000 луѓе од глад.

Сторијата на Њујоркер започнува со брачен пар од Јужна Каролина, кои една есенска вечер ги наоѓаат ѕидовите од својата спална прекриени со стотици и стотици смрдулки, конкретно со кафеава мраморна смрдулка.

Не е за паника кога комшии оговараат или се шпекулира по социјални мрежи, станува сериозно кога темата стига до Би-би-си, во случајов темата е млади од Британија кои немаат пари да си ја платат киријата.

„ЦИА секогаш успеваше да најде ентузијастички партнери меѓу локалните елити кои се спремни да се усогласат со нејзините барања за да добијат помош во нивната борба со домашните политички опоненти“, пишува американски професор во статија за тоа како САД, кои сега се мета на руско мешање во нивните внатрешни прашања какви што се изборите, повеќе од 70 години го прави токму тоа низ целиот свет. 

Деновиве истрагата околу Трамп откри дека неговиот некогашен шеф на кампања, Пол Манафорт, своевремено тајно успеал да собере и наговори (плати) мала група на поранешни европски лидери „да делуваат неформално и без никаква поврзаност со владата на Украина“ во корист на интересите на владата на Виктор Јанукович во Европа и во САД.

Голите диктатури - во форма на фашизам, комунизам или воени хунти - исчезнуваат од глобалната сцена. Пучевите и другите насилни средства за доаѓање на власт се реткост. Повеќето земји одржуваат регуларни избори, луѓето слободно гласаат. А демократиите сепак умираат, сега на поинаков начин.

Човекот беше назначен на позицијата во мај 2017. Во анкета направена седум месеци подоцна повеќе од една третина од населението не знае да го именува својот премиер. Прашањето што Економист го вади од ваквите резултати е: тогаш што ќе ти е премиер?

Во Пјонгчанг Норвешка го имаше својот најдобар настап во историјата на Зимските олимписки игри, надминувајќи ги и своите оптимистички очекувања освои 39 медали, од кои 14 беа златни. Земјата со 5 милиони жители на Олимпијадата е пред Германија, Канада и САД по бројот на медали.

Јапонската влада од април годинава ќе ги плаќа патните трошоци на раскажувачие што ги шират и прераскажуваат сведоштвата на преживеаните Јапонци од американските нуклеарни напади врз Хирошима и Нагасаки.

Многу пред брилијантниот предлог „вооружете ги учителите“ училиште од Њу Мексико во својата редовна програма има воведено задолжителна обука за борба во случај на вооружен напад.

Аргументот на тие што се против поседување оружје е дека масовните убиства во САД се случуваат заради тоа што во земјата може многу лесно легално да се купи оружје. Аргументот на тие што се за поседување оружје по дома е дека САД имаат проблем со ментални болести, а не со внимателни сопственици на оружје. Вистината веројатно е некаде измеѓу.

Масакрот во Флорида е најсмртоносното пукање во училиште во последниве 5 години. Пред 5 години беше масакрот во Сенди Хук во кој беа убиени 20 деца и 6 возрасни. Од друга страна ова е 18-то пукање во американските училишта, само за годинава.

Погба најпрвин „деликатно“ му го мириснал задникот на Меси. Потоа Меси му се навртел, а Погба исплашено избегал, но неговите тренери со сила го вратиле назад. Да не правиме спојлери, дознајте сами кој победил.

Како дел од борбата против загадувањето Кина распореди 60.000 војници од својата армија на садење дрва низ земјата.

Не постои добра идеја зад која не може да се затскрие секаква фукара. Особено онаа која е надмена и напувана. Овојпат за корените на американската либерална елита и нејзината актуелна состојба на свест во која најрадо би си ставиле фереџе од срам што на власт дојдоа „небањатите“.

Во време кога САД повторно се завиен во „тотс енд преарс“ за жртвите на уште еден масакар, Мел магазин објавува кратка новинарска репортажа неверојатната неупотребливост на системот што полицијата го користи кога сака да го открие сопственикот на оружје употребено во криминал. Веројатно најдобра имплементација на систем кој треба на никого да не му заврши работа.

Атлантик ја нарекува „дипломатија на ниски очекувања“ а во неа овој пат победи Северна Кореја која откако со месеци се закануваше со уништување на својот близнак држава, само затоа што испрати спортисти и навивачки, доби позитивен публицитет „кој требаше да биде резервиран за Јужна Кореја, која ја организираше, ја плати и е домаќин на Олимпијадата.“

Отидени во Сирија со цел да живеат заедно со истомислениците од цел свет и да добијат џихадистичка воена обука, американските ИСИС аџии најчесто завршувале со домашни обврски како купување намирници, фрлање ѓубре или грижа за ранетите соборци кои закрепнувале.

Станува збор за неколку научници кои работат на тајните руски нуклеарни програми, во идентично тајните објекти, на кои им текнало дека на работа имаат убер-моќни супер-компјутери кои ги користат само за нуклеарки.