Порт Ричи во Флорида за само 20 дена изгуби двајца градоначалници кои завршија зад решетки. Вториов, 64 годишниот Теренс Роув, е уапсен за заговор и опструкција на правдата, на основа на пресретната двонасочна комуникација на таа тема.
Тој дојде на функцијата откако гувернерот Де Сантис го суспендираше градоначалникот Дејл Масад, кој отворил оган и започнал престрелка со специјалците кои дошле да го апсат, со обвинување дека нелиценцирано извршува медицинска пракса. 68 годишниот Масад бил познат по својата нарко зависност а специјалците знаеле декa држи оружје во домот.
За апсењето на вд градоначалникот не се откриваат многу детали но властите велат дека има врска со претходното апсење. Кој и да биде трет градоначалник на Порт Ричи, ваљда некои работи ќе му бидат јасни.
