Со училиштето раководат поранешниот полицаец, а сега пастор, Лери Ален, и неговата сопруга Лили Ален. Бидејќи станува збор за приватно училиште, што сè ќе влезе во наставната програма на големо е оставено на самото училиште, без некакво микро-менаџирање од државата.
Програмата за одбрана и справување со масовни убијци ја воведуваат пред околу 5 години, и таа ги опфаќа сите деца што го посетуваат училиштето од градинка до 12-то одделение (4-та година средно). Освен регуларната обука (како да реагираш за да се заштитиш и како да се справиш со напаѓачот), секоја година по една група од повозрасните ученици добиваат и боева обука, која треба дополнително да помогне во случај на напад.
На страна учениците, брачниот пар што го раководи училиштето и уште најмалку пет од 20-те професори постојано носат оружје за време на часовите.
