Во судската пресуда за 21 годишниот Бен Џон стои и препорака да прочита нешто што реално ќе го збогати неговиот светоглед а не да конзумира само литeратура за белиот супрематизам и слично.
А Џон за второво е спремен за докторат бидејќи бил во посед на речиси 70.000 документи на таа тема. Во Велика Британија е забрането да се поседува литература која е корисна за изведување насилни и терористички дејства.
Осуден е и на петгодишна условна казна, период во кој не смее да стори кривично дело.
Иако му кажал дека е „дечко со малку, ако не и ич пријатели“, што е погодна атмосфера за будалести екстремистички и нео-наци фантазмагории, судијата Тимоти Спенсер сепак решил да биде благ со Џон верувајќи дека сепак е млад човек кој уште има време да ги смени работите и да заживее нормален, про-социјален живот.
Инаку, за лектира му биле препорачани Дикенс и Шекспир.
