На прашањето, што ја придвижува Меркел, Ринке тврди дека има три основни движечки сили кои ја одредуваат нејзината позиција:
"Првата е што сакаше да ја одржи слогата внатре во Европа. Секој за себе може да процени дали тоа и успеало или не. Меѓутоа во секој случај Меркел не сакаш да ги затвори границите бидејќи мислеше дека доколку тоа го направи средишната и најважна држава, ќе следува домино ефект во остатокот од Европа.
Втората е нејзиното христијанско воспитување како млада. Свеста дека треба да им се помогне на другите. Таа на тоа упатува уште многу рано, кога во 90-те прифаќа бегалци од Југославија, и зборува дека постои хуманитарна одговорност. Како и тогаш, таа и сега изјави дека тоа е помош само на одредено време, но и дека богатите држави како Германија или ЕУ, мора да бидат подготвени да помогнат.
И секако тука е искуството од ГДР, и чувството дека Западна Германија тогаш и помогна на Источна Германија. И дека изолацијата и поставувањето граници не може да ги спречи луѓето да одат онаму каде што сакаат да бидат."
Лексиконот има над 300 поими кои ја опишуваат Меркел од кои дел се спротивставени, а според Ринке за овие 11 години на канцеларката и се префрлаат најразлични и контрадикторни начини на однесување:
"Некои велат дека таа попушта под притисокот, други тврдат дека не е во состојба да носи одлуки, а некои пак велат дека е тврдоглава и дека не отстапува од своите начела. Оваа слика настанува во текот на минатата година, во екот на бегалската криза."
