Само минатиот месец 107.500 мигранти преминале во Европа, а ОН проценува дека оваа бројка за годинава ќе надмине 300.000. Само во една вечер во Грција пристигнаа 2.000 лица.
Сепак, ЕУ има сосема поинаква перспектива за тоа кој и како им се населува во Унијата. Според нивни официјални бројки, две од топ 5 држави кои се извор на мигранти, кои добиле азил во Унијата се од Европа: Косово со 12.800 и Србија со 8.400 мигранти во првите три месеци од 2015.
80% од сите бегалци бараат азил во 5 држави: Германија (73.100), Унгарија (32.800), Италија (15.300), Франција (14.800) и Шведска (11.400).
Членките на ЕУ одговориле на вкупно 121.600 барања за азил, од кои 46% добиле позитивен одговор.
