Богатите деца на африканските деспоти

Роберт јуниор и Белармин се двајцата млади Африканци на Инстаграм познати по своите фотки од ВИП сепариња во клубови, скапи патики, уште поскапа облека, и шишиња и шишиња Моет. Заедничко за двајцата е што му се синови на 93-годишниот претседател на Зимбабве, Роберт Мугабе.

Браќата Мугабе

"Постојаниот наплив на фотографии и видеа што ги објавуваат даваат невообичаен интимен прозорец во нивниот привилегиран личен живот. Во последно време двајцата доста време минуваат во Јоханесбург. Таму животот е далеку подобар отколку дома во Зимбабве, каде што татко им ја упропасти економијата," се објаснува во текстот на Економист.

Лоренс Луал Малонг Јор јуниор

Други претставници на првата генерација наследници на африкански деспоти е Лоренс Луал Малонг Јор јуниор, полу-синот на јужносуданскиот генерал, кој на Фејсбук е редовен со објави од летање во прва класа, масажи и разни луксузи. Во едно од видеата тој лежи до купиште банкноти од 100 долари (за кои тврди дека вкупно изнесуваат околу 1 милион долари што ќе ги донира во добротворни цели).

Теодоро Нгуема Обианг Мангуе

Синот на претседателот на Екваторијална Гвинеа (а во исто време и потпретседател на земјата), Теодоро Нгуема Обианг Мангуе, според постовите повеќе е љубител на приватни авиони, скапи коли и егзотични патувања. На истите слики тој не е нешто вонредно загрижен околу судскиот процес против него што се води во Франција за проневера на 100 милиони долари, во најголем дел потрошени на журкање и убав живот.

Освен "абоутластнајт" социјалните медиуми на децата на деспотите знаат да дадат и корисни апдејти, како случајот со синот на Роберт Мугабе кој во една прилика го информираше светот дека здравјето на неговиот 93-годишен татко е добро, и дека тој е "здрав и жив... па сите вие хејтери може да цркнете."

4 септември 2017 - 14:59