Сумата се однесува на периодот од 2010 до 2018 и е само од Епл, Амазон, Фејсбук, Гугл, Микрософт и Нетфликс, а црните дупки во кои се одлеваат парите кои инаку треба да завршат во буџетите се локации како Бермудски острови, Ирска, Луксембург и Холандија.
Најголем криминалец меѓу шесторката е Амазон, кој плаќа данок од само 12,7%, што е околу една третина од американскиот просек од 35%. Во периодот што го пресметува организацијата Фер такс марк, 2010-та до крајот на 2018-та, Амазон има платено вкупно данок од 3,4 милијарди долари. Ова е помалку од една десетина од данокот што Микрософт го има платено во истиот период, од 46,9 милијарди долари, и покрај тоа што приходите на Амазон ги надминале оние на Микрософт за околу 80 милијарди долари.
Според списокот на Фер такс марк, на второ место е Фејсбук со просек на платен данок од 10,2% од профитот.
Трет е Гугл со данок од 15,8% од профитот, а иста стапка има платено и Нетфликс. Епл, само прогласениот најголем плаќач на данок во светот, за овој период платил данок на приход од 93,8 милијарди долари, што е еднакво на 17,1% од профитот, или 8,9% од профитот што го прават надвор од САД.
Микрософт има најмалку агресивна позиција кон избегнување данок, плаќајќи 46,9 милијарди долари данок на профит од 278 милијарди долари и приходи од 882 милијарди долари. Платениот данок им е 16,8% од профитот.
За тие што се изгубија во процентите, просекот на данок што се плаќа во САД е 35% од профитот.
