„Совршени денови“, најновиот филм на Вендерс кој зборува за чистач на јавни ВЦ-иња (работа која не изгледа воопшто лошо кога тоа се прави во Јапонија), инспирираше туристички тури низ населбата Шибуја токму низ овие мали архитектонски градби со посебен шмек.

Пази не само што низ цел град немаат една канта за ѓубре, туку немаат ни ѓубре расфрлано по улици. До каде само мислат они вака да тераат?

Минатата година во Токио во полиција се вратени најдени паричници во кои имало пари во износ од речиси 28 милиони евра (3,99 милијарди јени), или во просек нешто повеќе од 76.000 евра на ден.

Милион јени по дете за секое семејство што ќе го напушти Токио е дел од планот на јапонската влада за спас на остатокот од земјата од демографскиот крах кој е во тек.

Како што Кина почна со ставање во ред на технолошките милијардери така едно време малку исчезна најмоќниот меѓу нив, Џек Ма. По неколку месеци тој повторно се појави како ништо да не било, па реши дека можеби повеќе ќе му одговара промена на климата и целосно се пресели во Јапонија.

Властите на префектурата Токио на сите жители на своја територија заглавени дома заради ковид-19 им испорачуваат „пакет за грижа“ составен од три кутии, главно пиење и јадење (кое пак е главно нудли). Ова е распакување на еден таков пакет.

Прекрасен објект дизајниран од славен јапонски архитект, во кој може да се позајмат и да се читаат книгите на Мураками, но и да се слушне некоја од донираните плочи од неговата колекција - вкупно 20.000!

Можеби и не е најатрактивната туристичка дестинација покрај сите убавини во Јапонија, но еден музеј Мегуро во Токио е рај за паразитолозите. Можеби после пандемијава некој ќе отвори и музеј на вируси?

Бразилецот Леандро го долови овој момент на Плејстејшн кој секогаш резултира со станување од место и сеирење пред противникот. Леандро игра за Токио а голов е за 2:3 на гостувањето кај Хирошима.

Јапонија е една од првите држави вон Кина во која се прошири коронавирусот. Моментално соседот на Кина е една од најмалку погодените држави во светот. Ваквиот статус е и покрај тоа што Јапонија не наметна ниту карантин како Кина, ниту изолација како Европа или САД.

Три работи: прво, ова е такси паркингот на некојa поголема железничка или автобуска станица најверојатно во Токио; второ, не е вежба за парада; трето, сето ова се случува без наоколу на патролираат 18 полицајци како чувари на лавови.

Билетар во парк во Токио започнува сопствена програма на гратис влезници во која единствен критериум е да си странец.

Откако видовме како играчите на Јапонија ја светнале својата соблекувална после болниот пораз од Белгија во судиското продолжение, и како Јапонците на трибините го чистат шутот на трибините, ни останува прашањето: каква ли е таа свест на највисоко ниво?

Токио во понеделникот ги имаше најголемите наноси на снег во изминатите неколку години, со заглавување улици, прекинување железнички сообраќај и откажување летови. Еден ден подоцна сето ова беше средено, а Токио ги имаше некои од најдобрите снежни скулптури што некогаш биле направени.

Сме виделе ние рокање, ама ова Јапонциве како ја подбраа „Брала мома капини“ ко преку Јутјуб да ќе им лепиме пари. И сред спот ги гледаш токискиве убер-хипстери (нема друго штом песнава и неколку слични ти се дел од репертоарот) како се нацртале на свадба сред Прилеп. Ова не се измислува.

Во скандал приреден од тамошната железница кој уште долги години ќе остави длабок траг во јапонското национално ткиво, цела држава на свои плеќи треба да го носи срамот на еден воз што тргнал 20 секунди порано од станица.

Додека мноштвото кафанџии во градот се натпреваруваат кој ќе биде богот на сушито и општо морската храна, човеков работи на скара на ќумур. Има секакви меса од овие регуларниве и тоа по распоред што он ќе ти го каже. Уште една фина фора од газдата: не дозволува деца во кафаната (ни со родители).

Деновиве во Јапонија требаше да биде отворено ново основно училиште поддржано од премиерот Шинзо Абе и неговата сопруга. Училиштето кое требаше да го носи името на премиерот, пред некое време беше спомнато како спорадична вест. За краток период целата работа стана национален скандал кој може да го собори јапонскиот премиер.

Наместо флаери, плакати, покани, броеви и слично, јапонскиот стадион Аџиномото реши на оригинален начин да ги повика гледачите.

На денешен ден пред 24 години, Црвена звезда стана најдобар тим на светот откако во Токио го освои Интерконтиненталниот куп против чилеанскиот Коло Коло. Панчев беше еден од стрелците, а Најдоски командуваше со одбраната.

Може агендата не им се оствари баш во формата во која планираа, и може добија неколку зуцки по пат, ама не можеш да им спориш дека и ова не е некаков успех. Ајде Јано...