За да потпише дека ќе глуми во мини-серијата The Nix, Мерил Стрип доби хонорар од 825.000 долари по епизода. Роберт Де Ниро е за 75.000 поевтин и за секоја од 20-те епизоди на еден серијал на Амазон, ќе заработи по 750.000 долари.

Со многу помалку галама отколку кој било претходен проект, во август Епл доби дозвола за продажба на вишокот електрична енергија што ја генерираат на соларната фарма во Калифорнија купена минатата година.

Амазон.ком е регистриран ноември 1994, а следната година компанијата добива инвестиција од 1 милион долари за подобрување на бизнисот. Во тоа време Безос има две предвидувања за до 2000-та, ако работите одат умерено добро треба да има продажба од 74 милиони долари, ако работите одат екстремно добро ќе имаат продажба од 144 милиони долари. До 2000-та имаат продажба од 1,6 милијарди долари.

Секој производ што се продава на Амазон подлежи на рецензии и оценки од купувачите. Некој што седнал да анализира 18 милиони оценки и рецензии, тврди дека бројките непогрешиво покажуваат дека секој оној што добил гратис производ во замена за рецензија, дал повисока позитивна оценка за истиот.

Меѓи големите сервиси за аудио стриминг се води жестока битка за потпишување договори со музички ексклузивци. И човек пак не може да најде едно место на кое ќе може да слушне што сака. Капитализам. 

Европските каталози на дигиталните платфотми како што се Нетфликс и Амазон ќе мора да имаат минимум 20% содржина од европско производство, реши Европската комисија.

Човекот е основач и најголем акционер на Амазон, а на фирмата последниве три месеци посебно добро и оди на берза, што не е така лесно постигнување имајќи предвид дека речиси постојано им оди добро.

Амазон и Лајонс Гејт работат на шоу базирано врз песни на Дилан, и имаат обезбедена дозвола за употреба на што и да е од неговите стихови и музика.

Зошто некој би лажел дека е најдобро продаван автор? Затоа што супер звучи, а и покажува дека не само што сте напишале книга, туку дека и пазарот пресудил дека таа е побарана од многу други. Титулата е статусна и посакувана. И, најдобро од сè, може да се купи за 3 долари и 5 минути.

Неодамна Њујоркер го емитуваше првиот од серија филмови кои ќе бидат прикажувани на Амазон, посветен на еден славен француски писател и неговата опседнатост со кофеинот. Кога течното не му вршело работа, тој кафето го џвакал.

Дојавата која во медиумите стигна преку надворешни извори е дека Амазон планира низ Америка да отвори 300 до 400 физички продавници. Ова за многумина, вклучително и за противниците на идејата во компанијата, е спротивно на здравиот разум.

Како најголемата он-лајн продавница во светот, Амазон апсолутно не ни помислува да продава аксесорис за какви било нелегални активности, вклучително и за кокаин. Истото ова сосема јасно го имаат нагласено и продавачите на овие производи на Амазон.

Кога наспроти целиот здрав финансиски разум, Џеф Безос во август 2013-та го купува Вашингтон пост за 250 милиони долари, сајтот има 26 милиони уникатни посетители месечно. Ноември 2015-та сајтот го завршува со 72 милини уникатни посетители. Подеднакво неочекувано беше што наместо да отпушта, Безос вработи уште 70 луѓе, од кои околу 50 се новинари.

Да ни кажеше некој пред десетина години дека ќе правиме разлика меѓу физички и не-физички продавници ќе му речевме да намали со читањето научна фантастика. Ете сега доживуваме вест на денот да е отварање една сосема обична, да не речеме нормална книжарница.

Њујорк Тајмс на долго и на широко пишува за нечовечките услови (според Западно чувство на нечовечност) за работа во Амазон и дека компанијата би била најсреќна ако сите вработени едноставно се заменат се роботи и да се заврши целата драма. На ова реагира Џеф Безос, не до Њујорк Тајмс, туку до своите вработени.

Компанијата за продавање сè преку интернет го промовираше најамериканскиот изум на сите времиња, копче за инстант купување за оние на кои и нарачувањето преку интернет им беше премногу напорно - Амазон Даш, сосема нова дефиниција за мрза.

Прв пат во неговата долга кариера Ален ќе режира ТВ серија. Иако засега не се знае ниту насловот, ниту темата, со неговото ангажирање Амазон сигнализира дека е подготвен да продолжи со развивањето на своите интернет видео услуги.

Еден автор се најде во чудо, откако негова самоиздадена книга со стотина позитивни критики беше повлечена од продажба од најголемиот трговец со книги на светот. Причина: „голем број зборови во книгата се напишани со цртичка". Ма-немој-молим-те.

Човекот кој направи милијарди растурајќи ја индустријата за објавување книги, минатата година одлучи да го купи Вашингтон пост, еден од најстарите американски весници. По негови зборови, никогаш не ни помислувал дека сака да има весник.

Веќе подолго време во издавачкиот свет се води вистинска војна помеѓу Амазон и еден од најголемите европско-американски издавачи Ашет (Hachette). Ако на почетокот и не беше баш најјасно во што се состои конфликтот, сега веќе е - дека не се работи (само) за натегање околу пари.

Новиот уред ниту е подобар, ниту е поевтин од конкуренцијата (Епл и Самсунг), ама и покрај ваквата ситуација Амазон верува дека има адут со кој ќе го продава Fire phone - многу бесплатни работи од Амазон.

"Ако го бојкотирам Амазон, каде на Менхетен ќе најдам бебешки пелени? Особено број 7?"