Од утре, 13-ти август, па во следните пет вечери, со логирање преку интернет ќе можете да талкате низ галериите на британскиот музеј, контролирајќи еден од четирите роботи.

Изминатиов викенд во Берлин се одржаа бројни манифестации кои одбележаа еден од најзначајните настани во поновата историја на Европа. Меѓу нив и една 15,3 километри долга граница, ама овој пат од балони.

76 годишниот фотограф Тери О'Нил за магазинот Ел ги сподели приказните позади некои од своите најомилени фотографии. Кога Елизабет Тејлор му пали цигара на Боуви, кога Мик Џегер не е главниот секс симбол на Ролинг Стоунс, кога Френк Синатра е онаков каков што секогаш бил - најјак.

Дали сте автор или само потпевнувате некоја песна, ла-ла-ла е универзална замена во моментите кога текстот ќе се умори. Колку и да е тоа будалесто решение, има песни кои се памтат токму поради тоа ла-ла-ла.

40 години откако се појави како хуманоиден вонземјанин во „Човекот кој падна на Земјата", Боуви пишува драмски текст базиран на истата приказна.

"Глорифукуваната ладна супа од зеленчук" е една од поинтересните формулации (се однесува на најразлични смутија за прочистување) во текстот на Фиби Малц Бови за тоа како псевдонауката околу природниот начин на живеење почнува да ја губи до сега неспорната поддршка во медиумите.

Комбинација на рокенрол ѕвезда и поетски бард, Гребеншиков бил еден од оние кои во времето на СССР свирел „западна" музика со откачени стихови полни сатира и мистицизам. Деновиве има концерти во САД, по повод новиот албум кој зборува за современа Русија и конфликтот во Украина.

Exhibitionism (игра со зборови, ем егизибиционизам, ем изложбизам), ќе содржи повеќе од 500 артефакти од историјата на славниот бенд. Членовите им дале целосен пристап до архивата на организаторите, кои резултатот го опишуваат како „интерактивна тура низ огромното уметничко дело на Стоунси".

Приказната за тоа како е снимена песната Under Pressure и како автентично звучат изолираните вокали на Боуви и Меркјури, соголени од инструменталниот дел.

Замислуваме како би изгледало кога ваков проект би требало да помине пред Наставно-научниот совет на некој од нашите факултети.

Славниот музичар бил сè и сешто во животот, ама ова е прв пат да биде - промотор на класична музика за деца во основно. Не се зафркаваме.

Во тазе интервју за Ролинг Стоун продуцентот Тони Висконти вели дека целта на Боуви била „да се избегне рокенрол", а еден член на бендот тврди дека стиховите на првиот, истоимен сингл, се однесуваат на Исламската држава.

Вечерва е Нова година, сите знаат. И што да се каже? Ништо посебно: ќе дојде полноќ, па ќе помине. 

Во 2009 Венити Фер објави книга „Прашалникот на Пруст: 101 познати личности за љубовта, среќата и смислата на животот". Еве ги одговорите на Боуви од август 1998 - по малку груби и саркастични, но на линија со она што тој го смета за негова најмаркантна особина.

Како се пишува вест кога ќе умре некој како Дејвид Боуви? "Роден во работничко семејство во источен Лондон... љубовта кон музиката ја открива во раната младост... долго време жиивее и твори...посмртните останки ќе бидат изложени..."?

Македонија е 65-та во последниот глобален индекс за просперитет, газдата на Њукасл во кафана се опкладил на 15 милиони фунти, ниско над Јужна Кореја лета американски Б 52, стотици деца биле малтретирани во хорот кој го водел братот на Бендикт. Баксузниот број 13 е за сите нас.

Познатиот велшки фудбалер на Арсенал, Арон Рамзи постигна гол во саботата во ФА купот против Сандерленд и ја продолжи мистеријата која започна како црн хумор, дека после секој негов гол умира некоја позната личност.

Само два дена пред од гаќи да нè извади веста за смртта на Дејвид Боуви, на сајтов ги објавивме неговите одговори на познатиот Прустов прашалник во кои тој ги покажува сите свои чудесии и убавини на неговата неконвенционална мисла. Како помина таа статија? Рамно осум (со бројка 8) Фејсбук споделувања. Два дена потоа, сведочиме за едно масовно "Eдно Боуви имаме, во душава го носиме". 

Без намера да наддаваме во глупиот натпревар на „Ја го сакав Х кога никој од вас не го сакаше", од луѓе за кои приватно (и јавно) знаеме дека Боуви им бил херој, кои ја свиреле неговата музика, организирале трибјути „за живота" и генерално со години му го следеле ликот и делото, побаравме да напишат збор-два, или да ни дозволат да објавиме нивни постови на темата.