Offside › Набрзинка

Прво татко па сè друго: Дончиќ нема да игра за Словенија, ќе се бори за своите ќерки

12 мај 2026

Само неколку часа откако Лос Анџелес Лејкерс беше почистен од Оклахома Сити Тандер со 3-0 во полуфиналето на Западот, Лука Дончиќ кој не играше во серијата поради повреда, објави на друштвените мрежи дека летово нема да игра кошарка.
Дончиќ го откажа својот планиран настап за Словенија во квалификациите за Светско првенство зошто сакал да помине повеќе време со своите ќерки, а во меѓувреме и да води правна битка за старателство над нив.
Светската кошаркарска ѕвезда пред неколку месеци се раздели од својата вереница Ана Марија со која неколку години беше заедно и со која доби две ќерки. Откако се разделиле таа неколку месеци живее само во Словенија со ќерките и не одела во САД кај Лука.
„Ги сакам моите ќерки повеќе од се и тие секогаш ќе ми бидат на прво место во животот. Додека продолжувам да работам на заедничко старателство над моите ќерки, бев принуден да донесам тешка одлука меѓу патување и играње за репрезентацијата на Словенија и престојот со моите ќерки летово. За жал ми беше исклучително тешко да ги видам во текот на изминатите осум месеци. Дадов се да ја претставувам Словенија и разочаран сум што ова лето нема да можам да играм за својата земја. Сепак во моментов моите ќерки и моите обврски како татко ми се приоритет“, напиша Лука Дончиќ.

извор

Гибралтар, Сан Марино и Македонија, тие сме

29 јули 2026

На рангирањето на УЕФА, Македонија е во група од седум земји кои моментално останаа само со еден претставник во Европа.
Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.

извор

Сагата конечно заврши: Италија има нов-стар селектор

28 јули 2026

Легендарниот Роберто Манчини повторно ќе седне на селекторското столче на Италија откако денес се договорил со првиот човек на Фудбалската федерација на оваа земја, Џовани Малаго.
Првично откако Паоло Малдини и Леонардо добија функции во италијанскиот фудбалски сојуз, овие двајца го сакаа Андреа Пирло за нов селектор. Претседателот на федерацијата Малаго категорично го одбил тој предлог после што двајцата после само 16 дена заминале од функцијата зошто „зборот не им вредел“.
За нов технички директор е назначен Клаудио Раниери.
Роберто Манчини за некој ден ќе биде претставен како нов селектор на Италија. Тој веќе ги водеше аѕурите и им донесе европска шампионска титула во 2021 во епското финале против Англија на „Вембли“. Тој беше тренер и на Лацио, Интер, Галатасарај и Зенит а ја водеше и селекцијата на Саудиска Арабија.

извор