Европа сака да биде и зелена и конкурентна и коректна кон сите што живеат во нејзините граници. Моментално не само што нема пари за ништо од тоа, туку нема ни одговор од каде ќе се најдат истите.
Паралелно со јуначењето на Макрон со изјави дека ќе испраќа француски војници во Украина, Франција полека стана најголемиот увозник на руски гас во Европа. Само годинава земјата и има платено на Русија 600 милиони евра за природен гас.
Образложувајќи дека ако Русија во 2022 не искористи нуклеарно оружје, нема ни сега да искористи се додека не е под закана од истото, аналитичарот Едвард Лутвак му предлага на НАТО да испрати свои војници во Украина за да му помогне на Киев.
Балтичките лидери ги притискаат членките на НАТО да почнат работат на враќање на задолжителното служење војска во своите држави, за да имаат доволно луѓе подготвени за заканата што доаѓа од Русија.
Европскиот дел од НАТО, ќе треба да најде дополнителни 56 милијарди евра годишно за да го пополнат буџетот на алијансата до договорената сума од 2% од годишниот бруто домашен производ на секоја членка.
Руската РТ објавува снимка од разговор на германски генерали кои дискутираат за тоа како би можеле да го снабдат Киев со проектилите Таурус и истите да бидат искористени за напад на мостот што го спојува Крим со Русија, а по пат ги цинкарат и сојузниците дека имаат свои војници во Украина.
Само Северна Кореја многу поуспешно ги пополни руските залихи со артилериска муниција, отколку што сите неспоредливо побогати и поиндустријализирани членки на Европската унија успеаа да и се најдат на Украина во однос на клучната муниција на фронтот.
Во Франција беа испратени оклопни возила да го заштитат пазарот во Париз за продажба на земјоделски производи на големо, во Брисел земјоделци опколија згради на ЕУ, Германија беше блокирана од трактори, а на протести се кренаа и земјоделци од Италија и Грција.
По неколкучасовна дебата меѓу украинските лидери околу отворањето преговори со Украина, германскиот канцелар му предложил на Орбан да излезе малку од салата, и ако сака да оди да пие едно кафе.
Американскиот Конгрес изгласа закон кој му забранува на кој било претседател на САД (кхм, Трамп) да ги повлече Соединетите држави од НАТО без дозвола на Сенатот или Конгресот.
Предупредувањето доаѓа од првиот човек на НАТО, Јенс Столтенберг, со амандман до членките на организацијата дека „треба да ја поддржуваме Украина и во добри и во лоши времиња.“
Крвава безизлезна ситуација, или нешто полошо, станува поверојатна доколку Западот не сфати дека Киев мора забрзано да се приклучи кон Алијансата, порачува поранешниот потпретседател на британските Конзервативци, Мајкл Ашкрофт.
Молневитата процедура со која Финска стана членка на НАТО на цел свет му покажа како глобална организација знае да биде супер ефикасна кога сака (нам ни покажа дека 30 и кусур години само нè малтретирале како шуги). Сега кога е во НАТО работите почнаа да се комплицираат.
Цената што НАТО ќе треба да ја плати за проширување на Алијансата е далеку поголема отколку користа што ќе ја има, предупредуваат двајцата автори од Като институтот во текстот за Форин полиси.
Германија ќе мора да го намали, па дури и целосно да го изгаси своето индустриско производство ако Украина не го продолжи договорот за транзит на руски гас преку своја територија кој завршува на крајот од следната година, предупредува германскиот вице-канцелар и министер за економија, Роберт Хабек.
И годинава стандардно кандидатот за избор на нов генерален секретар на НАТО ќе биде од Европа, тоа што е нестандардно, ама има големи шанси да се случи, е лидерот всушност да биде лидерка. За ништо да не биде ни приближно решено, големи шанси да дојде на позицијата има и британскиот министер за одбрана, кој не е ЕУ, ниту е жена, а не е исклучено и Столтенберг да остане.
„Големиот ризик“ со кој се соочува Европа е да заглави во криза што не е наша, порачал францускиот претседател Макрон во интервју дадено во неговиот авион на заминувањето од Пекинг.
САД, заедно со Германија и Унгарија, се против притисоците од Полска и балтичките земји за поголемо поврзување на НАТО со Украина, па макар тоа било давање и план со чекори од Алијансата за Киев.
За оваа една година војна во Украина, Германија и понатаму останува зависна од увоз на енергенси, но тоа веќе не се руски туку се купени на меѓународен пазар, изјавува германскиот министер за енергетика, Кристијан Линдер.
Откако воведе санкции, ЕУ замрзна 300 милијарди евра руски државни резерви, и милијарди од сметките на други руски богаташи. Од тогаш ЕУ нема конечен став што ќе прави со парите и додека се труди да ги пофаќа сите краеви за сите членки да бидат задоволни и да гласаат за каков било план за трошење на руските пари, Естонија веќе се подготвува сама да почне со запленување руски пари.
Украина може треба да и заблагодари на Германија што не и прати тенкови, откако од 18 тенкови ангажирани за една воена вежба во Германија сите 18 биле „капут“.
Најлошото околу финансиското страдање на Унијата заради цените на енергенсите е што тоа е само почеток на најголемата криза што се случила во последните децении, пишува Блумберг.
Баснословни цени на гасот, продажба на оружје и трговија во време кога Путин ја уништува Украина и се заканува дека ќе го уништи западното сојузништво се главните гревови кои ЕУ им ги препишува на САД.
Вон Европа глобалното чувство за континентот се сведува на две емоции: воодушевување за тоа како се обедини да ја помогне Украина и да и се спротивстави на Русија; и преплашеност, дека бруталните економски проблеми ќе претставуваат тест за европската отпорност во 2023 и подоцна.