Израелските тајни служби со години сакаат да го убијат иранскиот научник и еден од најдобро чуваните луѓе во Иран, Мохсен Фахризадех. На крај наоѓаат начин и тоа го изведуваат без ниту еден нивен оперативец да биде присутен на терен за време на егзекуцијата.
Одлука која опфаќа многу влажни соништа на претходната администрација и нејзини фанови, е на добар пат да биде уште една од клучните сцени (по евакуирањето на амбасадата во Кабул) кои ќе го обележат владеењето на Бајден.
Целата плата што Трамп ја зема за државната функција што моментално ја држи, ја донира во добротворни цели. Проблемот е што од друга страна го искина буџетот со службени трошоци.
Ја замисливме поставена на тромеѓе Македонија-Грција-Бугарија: светлосни снопови го параат небото, луѓе се спојуваат преку космички аудио канал, и по првите срдечни поздрави за да им се направи атер на организаторите, почнуваат кошкањата. А можеби и сосема обратно - се врти на песна и на виртуелно споделена пијачка, додека рефлекторите формираат срциња на небото.
Првите обиди за упад се направени во 2012, на сред од мандатот на Обама, и нема докази дека во тоа време хакерите на американската влада успеале да изгасат некој дел од електричната мрежа. Со доаѓањето на Трамп стратегијата преминува во отворен напад во кој сајбер силите на САД успеале да вметнат свој малвер во електричната мрежа и во други мети, открива Њујорк тајмс.
Лик по име Хешмат Алави, некаде во 2014 се појавува на Твитер и почнува отворено да шири поддршка за иранската опозиција, конкретно за МЕК. Со тек на време набива голем број следбеници, што води кон он-лајн репутација, по што следува интересот од големи американски медиуми за негови мислења. Пред една недела излезе дека Алави е екипа членови на МЕК кои од Албанија го работат профилот и создаваат содржини за него.
29-те убиства што се случуваат на 6-ти март годинава го израмнуваат бројот убиени цивили со огнено оружје во САД за 2019 и загинати американски војници во Нормандија на 6-ти јуни 1944.
Лекцијата што американските интервенционисти ја научија од војната во Ирак е: присвој ја дебатата. Па така, денес сите се за промена на режими, пишува Мат Таиби во Ролинг стоун.
Во Канада (на барање на САД) е уапсена финансиската директорка на компанијата, во САД против компанијата се покренати кривични обвиненија, низ западниот свет 5Г технологијата на Хуавеи се корне од мобилната инфраструктура.
На само неколку дена пред инаугурацијата на Трамп, романски хакери упаднале во компјутерскиот систем на полицијата од Вашингтон одговорен за контрола на камерите за надзор.
И покрај звучните пред и пост изборните најави дека ќе депортира милиони илегални Мексиканци од САД, податоците на самото Мексико покажуваат дека во периодот од јануари до ноември годинава од САД биле вратени една четвртина помалку Мексиканци отколку истиот период во последната година на Обама.
Со години, извршниот директор на Епл, Тим Кук, го повикуваше Вашингтон да ги намали трошоците за да може неговата компанија да врати во земјата милијарди долари што ги држи во странство. Токму на Божиќ, на Кук конечно му се оствари желбата.
Стигна сметката за мнозинската одлука на Обединетите Нации да го осуди американското признавање на Ерусалим за главен град на Израел. Администрацијата на Доналд Трамп најави драстично намалување на буџетот на ОН.
Како ретко кога од распаѓањето на СССР, годинава главна вест во САД беше „Русија“, и отприлика тука завршуваат сите сличности околу тоа кој како ја разбрал темава.
40 милиони Американци живеат во сиромаштија, а според критериумите на ОН, речиси половина од нив во длабока сиромаштија. САД имаат највисока стапка на детска сиромаштија во развиениот свет (25%), постојат луѓе кои живеат со помалку од 2 долари на ден и и згора на сè - Трамп им е претседател.
Корпоративната даночна стапка се намалува од 35 на 21 отсто. Семејствата кои заработуваат помалку од 25.000 долари годишно ќе добијат просечно намалување на данокот од 60 долари, додека оние што заработуваат повеќе од 733.000 американски долари ќе платат 51.000 долари помалку.
По најавата на американскиот претседател дека ќе ја премести амбасадата на САД од Тел Авив во Ерусалим кој ќе го прогласи за израелска престолнина, се запали Блискиот Исток а реагираа и навивачите на Селтик.
Како дел од програмата за протерување што е можно повеќе нелегални мигранти администрацијата на Трамп постави и кодошка телефонска линија на која анонимно можеш да пријавиш некој од оваа група. Неочекуван нус-производ на ова е бројот на луѓе што тајно пробуваат да ги депортираат роднините на својот партнер/ка.
Вчера, 12.09, од печат излезе новата книга на Хилари Клинтон, „Што се случи“, која се однесува на последните претседателски избори во САД. Дали таа ќе влезе во пантеонот на големите политички мемоари или ќе биде уште една пост-политичка крава за молзење уште по некој долар, тоа е рано да се процени. Но она што е поинтересно е колку реално луѓето се интересираат за вакви изданија.
Во дополнително напнување во односните меѓу сојузниците што треба да му се спротивстават на Путин, германските политичари и бизнисмени го обвинија САД дека ги користат санкциите против Русија за засилување на сопствените интереси во Европа - континентот да купи што е можно повеќе гас и нафта од САД.
Фокскон, тајванскиот производител со масовни работнички кампови и фабрики во Кина, кој меѓу другите составува електроника за Епл, планира отворање погони во САД.