Само три дена по феноменалниот трипл дабл од 41 поен, 11 скока и 14 асистенции против Бруклин Нетс, незапирливиот Лука на Орландо му даде 44 поени за победа од 114:105.

Фудбалерите на Милан кикснаа на гостувањето против Торино од каде се вратија со пораз од 2:1, кој ги оддалечи 6 бода од Наполи. Пиоли го извади Рафаел Леао на полувреме, кој уште во воведните 5 минути реагираше многу лошо пред гол и тоа сам на два пати.

Француски CANAL+ Foot го седнува на интервју човекот кој за четири сезони во Лига 1 со ПСЖ освои 12 трофеи и постигна 156 гола. А тој вели вака:

Во аргентинскиот фудбал падна скроз необичен гол и тоа во Куп финале, вреден трофеј за тимот на Патронато против Талерез. Го постигна Тиаго Банега. Од борба за топка меѓу двајца, се случи голчиште кое го изненади голманот.

Бруклин Нетс загуби дома од Индијана Пејсерс со 116:125, а со тоа го бележи петтиот пораз после шест средби. Јапонецот Јута Ватанабе имаше најдобра намера, да спаси една топка со дефанзивен скок, ама на крај несакајќи успеа да постигне атрактивен автокош.

Големата македонска тениска надеж е победник на ИТФ фјучерсот кој изминатива недела се играше во Ираклион.

Во рамки од 10. коло на македонската втора лига, Вардар со 2-1 ја совлада Воска Спорт од Охрид. На стадионот „Железарница“ во скопската населба Автокоманда, пред полни трибини со „Комити“, црвено-црните победија со головите на Дарио Десниќ во 18-та и капитенот Дарко Мицевски во 20-та минута. Еврогол за насловни страни.

Тотенхем одигра уште еден драматичен дуел. После само три дена по драмата со Спортинг во Лига на шампиони кога со ВАР им беше поништен гол за 2-1 во судиско продолжение, во саботата со Борнмут на гости следеше нова лудорија.

ПСЖ ја совлада Троја со 4:3 во меч во кој на два пати беше во негатива. Играч број 1 како и многу пати сезонава беше Лео Меси кој во рок од 7 минути одигра во негов стил со два јаки потези.

Само четири дена откако беа елиминирани во ЛШ и промашија пенал во 99-та минута, фудбалерите на Атлетико загубија во Ла Лига со гол во 99-та од претпоследниот на табела.

Што ти е домашен терен, ги затвори очите, точно ги менуваше бризините и не промаши ниту еден свиок. Имаме еден круг со мексиканскиот возач Серхио Перез, во пресрет на трката за Големата награда во Мексико сити. Беспрекорно извозено мајсторе.

Лук Корнет е висок 218см. Погледнете како ја користеше неговата висина ноќеска на мечот против Кливленд. Не сме виделе до сега некој вака да го чува кошот во НБА.

Пред почетокот на мечот главниот судија ги собира капитените на двата тима и им кажува да бираат петка или глава па секој да си одбере страна на која ќе почне или прв посед на топка. Во Аргентина за тоа викаат „Меси или Марадона“.

Дефанзивецот на Арсенал кој е на позајмица во Монца, Пабло Мари преживеал стравичен напад од психопат во супермаркет Карфур во трговски центар во реонот Асаго близу Милано. Напаѓачот од чиста мира убил еден касиер, а повредил и четири други лица пред да биде совладан од некогашен соиграч на Марадона во Наполи.

Беноа Пер е познато име во светскиот тенис. Триесет и три годишниот Французин роден во Авињон има пристојни резултати веќе неколку години наназад и е редовен учесник на најголемите турнири. Само има проблем со константноста, понекогаш не може да се носи со големиот притисок и знае да губи добиени мечеви. Дошол на тренинг во францускиот прволигаш Брест каде покажал неверојтно чувство за фудбал и пеколна левица.

АЕК Ларнака и Динамо Киев одиграа 3:3 во меч од Лига Европа во кој кипарскиот состав водеше 3:1 но на крај ја прокоцка победата. Два гола даде израелскиот репрезентативец Омри Алтман од кои едниот веруваме ќе се врти цела сезона по хајлајтсите.

Далас Маверикс на гостински терен после продолжение го победи силниот Бруклин Нетс со 129-125. Лука Дончиќ се претстави со уште една страшна партија: 41 поен, 11 скока и 14 асистенции. Постигна и три тројки во продолжението и беше најзаслужен за триумфот на Маверикс.

Жозе Мурињо во последниве неколку сезони се мачи да победи на секое гостување во студената Скандинавија. Синоќа со Рома едвај го доби Хелсинки со 1-2 и тоа со автогол на домашните во 62’ минута. Притоа во Хелсинки на домашниот играч Дејвид Браун му поништија СТРАШЕН ГОЛ за 2-2. СТРАШЕН! Пред последното коло во Лига Конференции, Рома е трета зад Бетис и бугарски Лудогорец.

Со головите на Дало, Рашфорд и Кристијано Роналдо Манчестер Јунајтед со 3-0 го совлада Шериф Тираспол и со 4/5 и 12 освоени бода рутински се пласираше во следната рунда на Лига Европа. Ги чека уште едно формално гостување кај Реал Сосиедад во последното коло. Синоќа против Шериф шоу правеше Ентони а Кристијано после долго време постигна гол.

Групата Д во Лига на шампиони е најнеизвесна од сите. Таму сите четири екипи конкурираат за место понатаму. Тотенхем синоќа губеше дома 0-1 од Спортинг Лисабон и израмни со гол дури во 80’ минута. Не победија и ќе треба во последно коло на пеколно гостување во Марсеј да се борат за пласман во следна рунда. Ама со вакви постапки како на бекот Емерсон Ројал нема далеку да стигнат.

Ниту во времето на Диего Армандо Марадона, не се видел ваков убиствен старт на Наполитанците кои заедно со ПСЖ се единствени непоразени екипи во топ 5 лигите во Европа.

Шпанскиот клупски фудбал доживеа силен шамар откако групната фаза во Лига на шампиони ја пројде само Реал Мадрид. Испаднаа и Севиља пред време, и Атлетико Мадрид и Барселона.

Денвер Нагетс одново му одржа лекција на ЛА Лејкерс кој има 4 порази на 4 меча на стартот од сезоната, учинок каков што Леброн и Ентони Дејвис немале никогаш во кариера. Но да се вратиме на насловот. Најефикасен кај Нагетси беше Јокиќ со 31 поен, 13 скока, 9 асистенции и 4 украдени топки. Во еден момент кога сите ја видоа топката изгубена во аут, Србинот најде начин како да ја додаде.