Од безбедносни причини МВР го затвори кејот покрај реката Вардар за македонските минувачи, во делот каде што се кафулињата во ГТЦ каде нагрнаа Англичаните. Задоволни се од храната, евтиното пиво, луѓето, а двајца навивачи во анкетата на Канал 5 типуваат на Македонија.

Квалификациите за Евро 2024 полека стигнуваат до самиот крај. Како што македонската фудбалска селекција пред три години го оствари сонот наречен Европско првенство, така сега сонуваат две селекции кои за првпат во историјата би можеле сензационално да се пласираат. Нормално, ако направат чудо.

Големата ѕвезда на унгарскиот фудбал, Доминик Собозлаи од Ливерпул, синоќа постигна гол и еден наместо во триумфот на Унгарија од 3-1 над Црна Гора со што и официјално Унгарците се пласираа на Евро 2024. После мечот со навивачите Собослаи се напила палинка, овошна унгарска ракија.

И покрај тоа што ќе биде натпревар без резултатско значење, арената Тодор Проески вечерва ќе крца, а гостите доаѓаат во полн состав со посебен протокол и без тренинг, само со тегнење мускули во сала. Ни новата трева не отидоа да ја згазат.

Остајте вие евроквалификации и ѕирнете малку што се случува во африканските квалификации за СП 2026. Зимбабве одигра 1:1 против Нигерија и го постигна еден од најјаките слободни удари, веројатно во историјата на мундијалските квалификации. Валтер Мусона се вика стрелецот. Што удар ќе беше ова?

Во неделата вечер се одиграа девет меча од кои два беа решавачки, но и останатите беа исто интересни за следење. Македонија по гостувањето во Италија, вечерва ја чека Англија која веќе одамна е пласирана на Европско.

Најдобрата судијка, Французинката Стефани Фрапар веќе извесно време суди и во најпрофесионалниот машки фудбал. Под значка од УЕФА Фрапар суди натпревари од еврокупови и од квалификации за Европско. Синоќа делеле правда на мечот Лихтенштајн - Луксембург и уште во 3’ минута по прегледување ВАР го исклучила најдобриот гостински фудбалер Данел Синани.

Убавината се состои од тоа што ја прими на гради, му легна и ја распали како бомба, а мајсторијата во тоа што свртен со грб, немаше време за координација и поглед кон гол. Стрелецот е Пабло Лонго од шпанска петта лига.

Во големото финале на АТП завршниот собир на најдобрите, Новак Ѓоковиќ со 6:3, 6:3 го совлада најдобриот италијански тенисер Јаник Синер и ја освои седмата титула на овој вреден турнир.

На 9 септември беше нива за садење компири на која им извадивме 1:1 на Италијанците. Сега е дури и предобра, да те фати страв пак да не нè растурат.

Скопје, Битола, Велес, Струмица, Јосифово, Франкфурт, Тревизо и од каде уште не патуваат нашите навивачи за да ја бодрат македонската репрезентација. Во добра бројка беа и во Рим, расположени и сплотени и пред и за време на натпревар. Италијанците објавија видео од трибина.

Срле, Боки, Геле и Меџо се луѓето зад сцената, кои се грижат за рекуперација на нашите фудбалери и за што повеќе опуштени мускули пред натпревар. Ви ги претставува Џани, како ретко кога сериозен пред камера.

Французите беа безмилосни и помалку безобразни синоќа откако го прекршија аматерскиот фудбалски ривал Гибралтар со историски 14:0! Гостите играа со играч помалку уште од 18' минута, а Мбапе со хет-трик и Жиру со еврогол со ножички беа главни актери на дуелот.

Најдобриот светски тенисер го збриша својот најголем ривал во последниве неколку месеци со 6:3, 6:2 и убедливо се пласираше во ново големо финале на АТП завршен турнир. Новак ќе игра во недела од 18 часот против миленикот на домашната публика Јаник Синер кој беше подобар од Србинот пред само неколку дена во групна фаза.

Неколку стотини македонски навивачи ја бодреа репрезентацијата на мечот со Италија во Рим. И по крајот од средбата, како во старите добри времиња, наместо штампани шалови со имињата на репрезентациите од продавачи пред стадионот, македонски навивач си подели шал и знаме со италијански деца. За спомен од натпреварот. Права навивачка романтика која е веќе реткост.

Македонската фудбалска репрезентација не успеа да го задржи убавиот биланс против Италија. Четирикратниот светски првак ни се одмазди за Палермо.

Каде и да одат, македонските навивачи го креваат адреналинот. Тука е царот со тапанот кој го дупна на Европското во Букурешт, секогаш верниот Наце Митев, како и ред други верни поддржувачи на македонската репрезентација. Фантастичната атмосфера ви ја пренесуваме директно од Рим.

Во пресрет на големиот мегдан меѓу Тајсон Фјури и Александар Усик, борба која ќе значи обединување на сите шампионски појаси во тешка категорија, првиов му дофрлал нешто на Украинецот кој се насмеа. „Колбас! Мал грд човек, зајко“, викал Фјури додека Усик го слуша и се смее.

Со 15 поени, 5 скока, 4 блокади и три украдени топки Рајан Дан бил најдобар играч за тимот на Вирџинија Универзитетот во победата 66-32 против Тексас Саутерн. Дан важи за еден од најскочните кошаркари во Универзитетската лига а синоќа го имал забивањето на сезоната во ова првенство.

Македонската фудбалска репрезентација стои во редот на оние ретки селекции кои имаат позитивен учинок со повеќекратниот светски шампион Италија. Од таа причина Италијанците не се залетуваат многу со изјави пред вечерашниот мегдан на „Олимпико“ во Рим.

Бугарија минува низ најкатастрофалниот фудбалски период. Репрезентацијата смени селектор но јавноста бара коренити промени во фудбалскиот сојуз и го обвинува првиот човек Борислав Михајлов за ужасно раководење со фудбалот. Со децении не виделе Европско ни Светско првенство.

Публиката во градот Денгигшаер во Велс била спремна да го гледа големото финале на престижниот женски турнир во билијар „Шампион на шампионите“, но на крајот мечот се одложил.

Шведска доживеа прав потоп на гостувањето кај Азербајџан. Во Баку домаќинот со играч помалку од 54’ минута славеше со убедливи 3-0 и стави точка на катастрофалните квалификации на Швеѓаните кои претрпеа дури 4 порази и примија 12 гола. Играч на мечот беше Емин Махмудов кој постигна два гола од кои последниот на дуелот беше спектакуларен од пола терен за 3-0.