Центарот на Денвер Нагетс, уште еднаш ги помести границите во кошарката. На гостувањето против Њу Орлеанс Пеликанс, го забележа својот јубилеен 200-ти трипл-дабл во регуларниот дел од НБА кариерата, со кој го предводеше својот тим до победа од 104-91.
Јокиќ го заврши натпреварот со 21 поен, 13 скокови и 10 асистенции. Со овој учинок, тој стана само втор кошаркар во цела НБА историја на кому му успеало да стигнe до оваа магична бројка.
Супериорна брзина и ефикасност
Она што го прави успехот на популарниот Џокер уште поимпресивен е брзината со која стигна до оваа фантастична бројлка.
Додека на Вестбрук му беа потребни 1.175 натпревари за да дојде до 200 трипл-дабли, Јокиќ го направи тоа во својот 814-ти натпревар во кариерата или за 360 натпревари побрзо.
Интересно е што овој историски момент се случи точно на годишнината од неговото деби во НБА лигата (28 октомври 2015 година).
Рекордот на Вестбрук е на дофат
Со оглед на неверојатната форма и константност на српскиот репрезентативец, прашање на време е кога ќе стане апсолутен рекордер.
На вечната листа, пред него е само Расел Вестбрук со 209 вакви остварувања. На Јокиќ му недостигаат уште само 10 трипл-дабли за да застане осамен на самиот врв.
Топ 5 играчи со најмногу трипл-дабл учиноци во НБА:
• Расел Вестбрук – 209
• Никола Јокиќ – 200
• Оскар Робертсон – 181
• Меџик Џонсон – 138
• Леброн Џејмс – 125
Денвер Нагетс имаат скор од 2 победи и 2 порази на стартот на новата сезона, а следниот предизвик за Јокиќ и другарите ќе биде отворањето на НБА Купот против тимот на Финикс Санс.
On the 11th anniversary of his NBA debut... Nikola Jokić (21p, 13r, 10a) becomes the SECOND PLAYER EVER to reach 200 triple-doubles 🤯 Joker: 200 Russ: 209 https://t.co/IkzIfftSM0
— NBA (@NBA) October 29, 2026
