Големиот хаос на мечот Њу Орлеанс - Мајами

Синоќа на мечот Њу Орлеанс - Мајами судиите исклучија дури четворица играчи а со казна од НБА се соочуваат уште кошаркари кои учествуваа во масовниот неред. Немили сцени ја одбележаа оваа средба. Се започна по грубиот фаул на Кевин Лав над Зајон Вилијамсон после што почна целиот хаос. Наџи Маршал го фати и лидерот на Мајами Хит Џими Батлер и тупаници летаа на сите страни.

Судиите во прв момент ги исклучија Брајант, Маршал, Батлер и Алварадо. По овој голем инцидент Мајами Хит заигра подобро и направи серија 11-0 со која го реши мечот и на крајот победи 106:95.

Бам Адебајо со 24 поени беше најефикасен кај Хит а Џими Батлер запиша 25 поени колку што на другата страна за Њу Орлеанс постигна лидерот Зајон Вилијамсон.

објавено: 25 февруари 2024 - 08:50