Патеката на ридската трка Пајкс Пик во Колорадо ја има можеби најопасната кривина од сите мото-трки. Не за џабе овој дел од ридот го викаат „Ѓаволско игралиште“.

Раководството на ФФМ се промени, започна нова сезона во македонските лиги, а старите проблеми останаа, па дури и се зголемија. Македонскиот фудбал е медиумски најслабо покриен во цела Европа, а скоро сите медиуми своите извештаи ги пишуваат само на информации од livescore.

Решени се сите прашања околу добитниците на медали, пламенот во Лондон е изгаснат, олимпиското знаме му е предадено на Рио де Жанеиро, но останаа нерешени уште неколку мистерии од Олимписките игри во Лондон.

Омразата помеѓу навивачите нема граници, а тоа го докажаа и хулиганите од германската четврта лига. Домаќините сакале да ја срушат трибината со 700 гостински навивачи.

Дилан Мекгиох од Селтик на пријателскиот натпревар против Реал Мадрид имаше среќа и помина „само" со скршена вилица по застрашувачкиот судар со Нури Шахин.

И како после да не се измислуваат вицови за плавуши? Како што кажува и самиот коментатор, плавушите секогаш последни сфаќаат, а на оваа дури и требаше и помош од пријателката.

Некој можеби смета дека од Олимписките игри во Лондон ќе останат запаметени само бројките од листата на медали, но тоа не се единствените бројки и факти што оваа Олимпијада ја направија уникатна.

Поранешниот младински репрезентативец на Шпанија, а моментално член на австриски Салцбург, Џонатан Соријано на натпреварот против Рапид Виена го изведе еден од најлошите пенали на сите времиња. Ова е сериозна конкуренција на пеналот на Рамос.

На листата на освојувачи на медали на Олимписките игри во Лондон се најдоа спортисти од 79 различни држави, а на врвот се натпреварувачите од САД кои освоија вкупно 104 медали.

Доделени се сите медали на Олимписките игри во Лондон. Во големите финалиња на екипните спортови, „Дрим-тимот" од САД уште еднаш ја потврди кошаркарската доминација, Французите си ја одбранија титулата во ракомет, Хрватска стигна до првото злато во ватерполо, а Русија со голем пресврт стана олимписки шампион во одбојка.

По структурните промени во раководството на Фудбалската федерација на Македонија, следат кадровски промени и во сениорската репрезентација. Велшанецот Џон Тошак си заминува од селекторската функција по 370 денови.

Штафетата на САД трката на 4х100 метри ја заврши со време еднакво на актуелниот светски рекорд, но за нивна несреќа, на соседната патека трчаа Јамајканците. Болт и пријателите успеаја да ја истрчаат најбрзата трка во историјата и да ја симнат границата под 37 секунди.

Пријателскиот натпревар помеѓу Фортуна Дизелдорф и Бенфика беше прекинат по само 43 минути игра откако главниот судија беше нокаутиран од страна на Луизао, искусниот фудбалер кој зад себе има настапи на две Светски првенства со репрезентацијата на Бразил.

Репрезентативците на Бразил веќе се подготвуваа за прослава на првиот олимписки златен медал, но Мексиканците приредија огромна сензација и станаа олимписки шампиони совладувајќи го најголемиот фаворит со 2:1.

Екипата на Јувентус е освојувач на италијанскиот Суперкуп откако го совлада Наполи со 4:2. Покрај името на Горан Пандев останаа запишани по еден гол, асистенција и црвен картон.

Американската штафета на трката на 4х100 метри го собори светскиот рекорд кој го имаа поставено атлетичарките од Источна Германија уште во 1985-та година. На 14-от натпреварувачки ден на Олимписките игри во Лондон беа поставени и два нови олимписки рекорди.

Пред 40 години ја имавме Олга Корбут, а на Олимписките игри во Лондон го имаме Епке Зондерланд. Нема потреба да напоменеме дека освои златен медал.

Голманот на Фиорентина, Емилијано Вивиано на пријателскиот натпревар против Галатасарај успеа да прими многу глуп гол и притоа да се повреди.

Како е можно земја со помалку од три милиони жители во која има само пет атлетски патеки да ги произведува најдобрите спринтери на светот? Која е тајната зад успехот на Јамајка?

Јувентус останува без тренер. Антонио Конте заработи суспензија од 10 месеци заради вмешаност во местење на натпревари. Бонучи и Пепе се ослободени од обвиненијата.

Ниту еден спринтер во историјата на Олимписките игри ги нема одбрането златните медали на 100 и 200 метри. Тоа му успеа на најбрзиот човек на денешницата, Усеин Болт.

Алисија Монтано ја истрча вчерашната квалификациска трка на 800 метри со цвет во косата. Не и е прв пат, односно така трча на секое натпреварување, а има и причина за тоа.

За една стотинка светлосен зрак патува 3.000 километри, гепард се придвижува 20 сантиметри, Земјата се врти пет метри околу својата оска, Усеин Болт поминува 10 сантиметри, а многу спортисти за тој еден стотти дел од секундата ги губат своите медали.

Јамајканецот Јоан Блејк го привлече вниманието на јавноста откако стана сериозна закана на спринтерските патеки за неговиот сонародник, Усеин Болт, но тој го привлече и вниманието на Меѓународниот олимписки комитет за часовникот со кој трча.