Во очи на најголемиот христијански празник кој ќе го слават денес Католиците нема спорт, па Sky.it реши да ги собере на едно место сите спортски имиња кои во своето презиме го содржат зборот Natale што во превод значи Божиќ. Тука ги сместија и тие што се викаат Христо или Хезус.

Првите финти и голови на талентираното дете од Бразил кој уште како копиљ ги растурал своите врсници, па се до остварувањето на статусот ѕвезда во екипата на Сантос.

Претседателот на Наполи, Аурелио Де Лаурентис 2013 година ја оцени како успешна за неговиот тим кој се засили со врвни имиња, заврши втор минатата сезона во Серија А и избори директен пласман во Лигата на шампионите. Но не е се така розево за Наполитанците.

Според бројот на јавно објавените гласови и дополнителна анкета спроведена од шпанска ТВ станица, наградата за најдобар фудбалер на годината ќе му припадне на Кристијано Роналдо.

Најскапиот фудбалер на светот ги откри тајните за неговата специјалност - шутирањето на слободните удари.

Делителите на правдата во последниве 12 месеци беа мета на камерите во разни бизарни ситуации. Јадеа ќотек, клоцаа фудбалери, бркаа маскоти, судеа пијани. Се потрудивме да ги собереме на едно место најинтересните кои заслужуваат да влезат во нашата посебна рубрика на офсајд ликови.

Голманот на Феникс, Мајк Смит е најголемиот хокеј малер кој до сега сме го виделе. На натпреварот против Бафало тој си постигна автогол откако пакот му се заглави во дресот.

Необичната традиција на навивачите на Унион Берлин продолжи и оваа година, но овој пат на стадионот кој сами го градеа за клубот кој го спасија со својата крв, дојдоа рекорден број на луѓе само за да пеат божиќни песни.

Кошаркарите на Мемфис изведоа контра-напад во стилот на Харлем Глоубтротерс со додавање од зад грб и одличен цепелин.

Освен добрите натпревари, најквалитетното кошаркарско натпреварување секогаш нуди и добра забава. Ова се најинтересните моменти од НБА лигата во 2013-та година.

Група на навивачи на португалскиот тим Брага се обидоа да влезат на теренот за да прослават откако нивниот тим успеа да ја анулира предноста од два гола на Маритимо, а помеѓу нив беше и една интересна ултрас бабичка.

Кошаркарите на Атланта Хокс испуштија водство во финишот од регуларниот дел и загубија од Мајами Хит по едно продолжение и трилер завршница.

На само неколку дена до крајот на годината, веќе на големо се сумираат впечатоците и се прават разни листи на сè што вреди да се издвои. Ова се најдобрите 100 фудбалери за 2013 според оценувачите меѓу кои најзвучно е името на Алесандро Неста.

Стоперот на Манчестер Сити викендов си постигна автогол кој сигурно и да се обидува уште 1000 пати, нема да успее да го повтори. Ќе ве потсетиме на неговиот потег, но и на неговите најјаки претходници.

Поранешниот капитен на Аргентина, Даниел Пасарела кој од пред само една недела не седи повеќе на претседателската фотеља на аргентинскиот клуб, се соочува со скандалозни обвинувања за влезници кои ги препродавал со помош на навивачите.

Ремито на тимот на Горан Пандев на гостувањето кај Каљари беше најголемото разочарување за типстерите ова коло.

Веќе кога не не бива за фудбал, кошарка, одбојка, скијање, атлетика... би можеле да се пробаме и во некој поинаков спорт како на пример копање јаглен, носење жени на грб, тркалање по кашкавал и скокање бомба во базен. Ова се најлудите спортски настани во 2013-та година.

Младиот навивач кој не пропушта ниту еден натпревар и ја бодри Херта од Берлин заедно со ултрасите, доби шанса да го брани голот на својот омилен тим и направи сензација на гостувањето кај Борусија Дортмунд.

Интер внимателно следи млад и талентиран Црногорец по име Дарко, а италијанските медиуми се уште не можат да го преболат Панчев.

Тоа што Флориан Товен од Марсеј им го направи на двајцата дефанзивци на Бордо, во наше маало би го искоментирале како „едниот го прати по бурек, а другиот по цигари".

До пред некоја година се гордеевеме со репрезентацијата во која имавме фудбалери од Бундеслигата, Серија А и силни екипи од Русија, Австрија и Кипар, а сега тие се крстат во трансфер во Азербејџан и Тајланд.

Минатата година Србинот Александар Коларов од Манчестер Сити ни го уништи празничното расположение, а оваа година не само што не откажа од славење, туку и не исплаши за веќе да не ни помислиме на Дедо Мраз, Божиќ и Нова Година.

Женската ракометна селекција на Бразил стигна до првото злато на светските првенства, а во финалниот меч во преполната белградска арена ја совлада репрезентацијата на Србија со 22:20.