Дејвид Мојс веќе не е тренер на Манчестер Јунајтед. „Црвените ѓаволи“ му дадоа шут-карта на неуспешниот наследник на Алекс Фергусон, а кладилниците веќе почнаа да примаат уплати за новиот тренер.

Оклахома губеше со 5 разлика на 15 секунди до крајот од вториот плејоф натпревар против Мемфис, а Кевин Дурент успеа во еден напад да постигне 4 поени, од кои 3 од невозможна позиција под фаул.

Елиминацијата на Хамбург не беше случајност. Македонскиот ракометен шампион му покажа заби на уште еден бундеслигаш и со негатива од само 2 гола ќе го пречека тимот на Флензбург на реванш четвртфиналниот дуел од Лигата на шампионите.

Некои фудбалери едноставно не стареат. Хуан Роман Рикелме си остана мајстор и на 35 години. Искусниот Аргентинец го реши натпреварот против Тигре со прекрасен погодок во судиското продолжение.

Стартуваше како рагби лига по долна облека како забава за машка популација, но девојките сериозно си ја сфатија работата и сега е професионален спорт со најголема експанзија во САД.

Хет-трик на Луис Хамилтон за уште една победа на Мерцедес. Хамилтон и Розберг завршија на првите две позиции и на трката во Кина.

Кога Перо Антиќ стартува на центарската позиција, Атланта победува против Индијана. Така беше и на првиот натпревар од плејофот. Тимот на Перо Антиќ го изненади фаворитот и со победа ја стартуваше плејоф серијата против Индијана.

Македонскиот вицешампион ги загуби шансите за сензационален пласман во топ 4 фазата од Лигата на шампионите. Кил беше пресилен противник за тимот од Автокоманда и славеше убедливо во „Борис Трајковски“ со 21:31.

Ова се најдобрите забивања од регуларниот дел на сезоната во НБА лигата како загревање пред почетокот на плејофот во најквалитетната кошаркарска лига на светот.

Минатата недела тикетот ни заврши во канта само заради еден гол, но овој пат одиме на добивка.

Редовниот преглед на најдобрите погодоци од изминатите седум денови, вклучувајќи ја и мајсторијата на Бејл-експрес.

Критериумите на делителите на правдата се важен дел за темпото за играта кое ќе се наметне на еден натпревар. Серија А е позната лига во која се практикува многу тактички фудбал и пимплање со топката, а на бавната игра дополнително влијаат и судиите.

Откако се потврдија сите учесници во плејофот на НБА лигата, кладилниците ги објавија коефициентите според кои Мајами е најголем фаворит за одбрана на титулата, а најмали шанси имаат Антиќ и Атланта Хокс.

Најгледаниот спортски настан на планетата е престиж за секој фудбалер, но ја немаат сите големи играчи таа среќа да бидат дел од најелитното фудбалско друштво. Оваа година Фалкао се повреди, Бејл ќе печали во Азија, а Тевез ќе оди во Дизниленд.

Екипата на Кардиф побара од Премиер лигата да го поништи нивниот пораз од Кристал Палас затоа што противникот ја шпионирал нивната екипа.

Осум навивачи на рускиот второлигаш Арсенал го бодреа својот клуб на гостувањето кај Луч во Владивосток. Ништо посебно? Погледнете ја мапата.

„Жал ми е што не можеа сите да дојдат до влезница. Би сакал да постоеше начин сите да влезат па да гори салата“, изјави Лино Червар пред големата тешка четвртфинална битка против трикратниот европски шампион Кил.

Не стивнува сеирот на навивачите на Реал Мадрид кон Барса. На Твитер се појави сообраќајна пријава со која Герет Бејл се обвинува дека претекнувал преку полна линија со недозволена брзина. Среќа не приметија и дека не даде жмигавец.

Додека УЕФА се заканува со финансискиот фер-плеј, а на ПСЖ, Манчестер Сити и други европски гиганти им се закануваат казни, лидерот од шпанската Ла Лига докажа дека парите не се најважни кога се составува победничка екипа.

Бавон Чибуабуа од унгарскиот тим Ујпешт ја рогна топката во небо. За вакви шутеви во маало викавме росна ливада.

Како изгледа американскиот фудбал (она што ние си го викаме рагби) низ очите на дефанзивен играч (лајнбекер) со камера на неговата кацига.

Регуларниот дел од сезоната во НБА лигата заврши. Сега е време за најинтересното од најквалитетната кошаркарска лига на светот.

Одиграни се уште два натпревари од 17-то коло на Бизнис Лигата на Македонија.