Offside › Набрзинка

Кога и Делии заплакаа за најголемиот навивач на Партизан

5 април 2024

Денес се навршуваат 4 години од смртта на Мирослав Гајиќ, попознат како Миша Тумбас, најпознатиот навивач на Партизан. Спореден лик од белградското секојдневие кој никој не го знаеше, а го знаеја сите.
Според некои градски легенди, тој живеел сам, многу сиромашно и бедно, а љубовта кон Партизан ја докажуваше од коло во коло, во сите спортови, од мечување, преку одбојка, ракомет, ватерполо, фудбал, па до куглање, карате, рагби и бокс.
Тој е единствениот навивач на Партизан кој предизвикуваше огромна почит кај навивачите на Црвена звезда. Скромен, со кесичка во раце, присуствуваше на многу градски дерби дуели. Го сакаа и едните и другите. Ги обединуваше и смируваше со својата необична појава и груб глас кога ќе викнеше: „Циганииииииии“.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.