Фудбалска претстава на „Паркот на принцовите" почна во знакот на домаќините кои уште во 6-та минута преку Лавеци ја погодија стативата, а по 8 минути игра се закани и Пасторе со силен удар од работ на шеснаесетникот.
Барселона имаше повеќе од поседот на топката, но немаше сто процентни прилики за гол. Првиот удар на Каталонците го упати Иниеста кои пласираше непрецизно, а следната шанса ја створија во 37 минута преку Санчез.
Во следната минута на сцена стапи најдобриот играч на планетата Лео Меси кој по извонредната асистенција на Дани Алвеш го отвори резултатот. На 3 минути до крајот Меси имаше можеше да го зголеми водството но биеше само неколку сантиметри над голот.
Составот на Анчелоти немаше одговор во вториот дел во кој доминираа фудбалерите на Виланова. Санчез на два пати не се снајде во шеснаесетникот, а Каталонците се заканија и од слободен удар.
Првата сериозна шанса за домаќините се случи дури во 76 минута кога Ибрахимовиќ имаше чиста прилика за гол, но биеше во телото на Валдез. Израмнувањето стигна по една минута преку Ибра кој по ударот на Силва во стативата, не погреши во втората негова сто процентна шанса.
Во 89 минута стигна студен туш за домаќините. Алексис Санчез беше соборен во шеснаесетникот, а Барселона преку Чави донесе најави важна победа пред реванш дуелот на „Камп Ноу". Фудбалерите на ПСЖ во трилер завршница во 94 минута стигнаа до реми благодарение на голот на Матуиди.
На вториот дуел во Минхен, на Баварците како се уште да им беше противник тимот на Хамбург кој во саботата го совладаа 9:2, и веднаш уште во 26 секунда преку Давид Алба остварија водство од 1:0.
Јувентус се обиде да одговори преку Андреа Пирло од слободен удар, но италијанскиот репрезентативец биеше покрај голот. Фудбалерите на Баерн имаа целосна доминација до крајот на првото полувреме, а заканите пристигнаа од Робен и Шванјштајгер.
Домаќините го зголемија водството во 63 минута, а искусниот Буфон повторно реагираше лошо во шеснаесетникот по ударот на Луис Густаво. Манџукиќ го собра тој отпад и го пронајде Томас Милер кој зголеми за 2:0.
