-Овие два тима се сретнаа во фазата по групи оваа сезона. Борусија триумфираше на домашен терен со 2:1, а на реваншот во Мадрид беше 2:2.
-Составот на Јурген Клоп е единствениот тим без пораз оваа сезона во Лигата на шампионите.
-Плејмејкерот на Реал Мадрид, Месут Озил е роден во Дортмунд, а кариерата ја започнал во локалниот ривал Шалке.
-Кристијано Роналдо е најдобар стрелец оваа сезона во Лигата на шампионите со 11 гола, а потребни му се уште 3 за да го стигне учинокот на Меси од минатата сезона.
-Реал и Борусија се сретнаа во полуфиналето од ова натпреварување во 1998 година. По првите 2:0 во Мадрид, Шпанците го обезбедија пласманот во финалето, затоа што во Дортмунд немаше голови.
-Борусија Дортмунд е единствениот тим од сите полуфиналисти кој триумфирал оваа сезона на сите 5 средби пред своја публика со скор од 10 дадени и 3 примени гола.
-Реал Мадрид има само една победа на последните 24 гостувања против германските екипи, а кои загубил дури 17 пати.
-За Кралевите ова е рекордно 24 полуфинале во Лигата на шампионите, а за Германците само трето.
