Македонија ги дозна противниците во Лига на Нации, Михтарјан во Скопје

Белорусинот Александар Хлеб ни донесе прилично лесна група, што со новиот систем на УЕФА која ги подели селекциите според рангирањето, беше за очекување. Едноставно МОРА да одиме на фајнал фор.

Покрај стандардниот Џорџо Маркети кој е препознатливо лице на речиси сите ждрепки на УЕФА, ждрепката за нашиот шешир ја влечеше Александар Хлеб, некогашниот фудбалер на Арсенал и Барселона.

Според правилата, четири победници од секоја група ќе играат на фајнал фор во полуфинале и финале. Победникот од овој Фајнал фор обезбедува директно учество на Европското 2020.

Лига Д

Група Д1: Грузија, Латвија, Казахстан,  Андора.

Група Д2: Белорусија, Луксембург, Сан Марино, Молдавија.

Група Д3: Азербејџан, Фарски Острови, Малта, Косово.

Група Д4: Македонија, Ерменија, Лихтенштајн, Гибралтар.

По два натпревари од групата ќе се играат во септември (6-8, 9-11), октовмри (11-13, 14-16) и ноември (15-17, 18-20) годинава.

Еден од претставниците на нашиот фудбал во Лозана беа директорот на ФФМ Саша Ќириќ кој вели дека сме фаворити:

„Во основа сме задоволни од групата што ја добивме. За првпат ќе се сретнеме со Гибралтар. Лихтенштајн ни е добро познат противник од последните квалификации и го посакувавме од третиот шешир. Без потценување на претходните две селекции, но Ерменија ќе ни биде најтежок ривал. Ќе направиме добра анализа на противниците и тогаш ќе ја знаеме нивната сила. Со самото тоа што сме носители во групата Д, ја имаме фаворитската улога. Јас лично сум убеден, а се надевам дека и селекторот и другите дека ќе го оправдаме статусот и ќе обезбедиме учество во полуфинале на Лига Д“.

Јари Литманен, некогашната ѕвезда на Ајакс Амстердам ги влечеше групите од Лига Ц каде во една од групите се паднаа соседите Србија и Црна Гора што ќе биде интересен двомеч за гледање.

Лига Ц:

Група Ц1: Словенија, Норвешка, Бугарија, Кипар.

Група Ц2: Унгарија, Грција, Финска, Естонија.

Група Ц3: Шкотска, Албанија, Израел.

Група Ц4: Романија, Србија, Црна ГораЛитванија.

Владимир Шмицер, легендарниот играч на Ливерпул кој играше на три Европски првенства за својата Чешка беше човекот кој ги влечеше куглиците за Лига Б.

Лига Б:

Група Б1: Словачка, Украина, Чешка Република,.

Група Б2: Русија, Шведска, Турција.

Група Б3: Австрија, Босна и Херцеговина, Северна Ирска.

Група Б4: Република Ирска, Велс, Данска.

Деко, човекот кој го играше Европското 2004 кога со неговата Португалија стигна до финалето против Грција, беше задолжен да ги извлече паровите во Лига А каде се наоѓаа најдобро рангираните 20 селекции во Европа. Меѓу нив беа и актуелниот европски првак Португалија и актуелниот светски шампион Германија.

Лига А

Група А1: Германија, Франција, Холандија.

Група А2: Белгија, Швајцарија, Исланд .

Група А3: Португалија, Италија, Полска.

Група А4: Шпанија, Англија, Хрватска.