Лига на шампиони

Извлечени паровите во ЛШ: Мега дерби Барса - ПСЖ, Лампард на Чоло

Супер дуели ќе гледаме во нокаут фазата од елитното друштво. Френки Лампард ќе се судри со бандата на Чоло Симеоне, Ливерпул имаше горе-долу добра ждрепка и ќе игра против германски Лајпциг. Меси и Барса ги чека јако дерби.

Точно напладне во Нион се одржа ждрепка за 1/8 финале во елитната Лига на шампиони. Клубовите беа поделени во две групи: првопласирани и второпласирани од своите групи. Заедно со Џорџо Маркети од УЕФА, ждрепката ја влечеше и Стефан Шапоиза, некогашен швајцарски репрезентативец кој се прослави во Борусија Дортмунд.

Осминафинале Лига на шампиони, извлечени парови:

БОРУСИЈА МЕНХЕНГЛАДБАХ - МАНЧЕСТЕР СИТИ
ЛАЦИО - БАЕРН МИНХЕН
АТЛЕТИКО МАДРИД - ЧЕЛСИ
РБ ЛАЈПЦИГ - ЛИВЕРПУЛ
ПОРТО - ЈУВЕНТУС
БАРСЕЛОНА - ПСЖ
СЕВИЉА - БОРУСИЈА ДОРТМУНД
АТАЛАНТА - РЕАЛ МАДРИД

Првите натпревари се играат на 16. и 17. февруари и 23. и 24. февруари. Реваншите се на 9. и 10. март и на 16. и 17. март.

Четвртфиналните дуели се предвидени за 6 и април со реванши на 13 и 14 април. Полуфиналето ќе се игра на 27 и 28 април со реванш натпревари на 4 и 5 мај.

Големото финале е закажано за сабота 29. мај 2021 на стадионот „Кемал Ататурк“ во Истанбул.

14 декември 2020 - 12:21

Штета ако сте пропуштиле

Манифест на провинцијалецот

Бабата е дебела затоа што е полна со љубов

Каде се интелектуалците?

Платата е долга, животот е краток