Симболот на битките на најдобрите екипи во Европа е една од најмоќните композиции во историјата на фудбалот.
Ако ви е убаво кога ќе ја слушнете во вторник и среда, треба да знаете дека исти чуства имаат и Марк-Андре тер Штеген, Дани Карвахал, Тиаго Силва, Кајл Вокер, Герет Бејл, Маурисио Почетино, Ектор Белерин па и холандскиот судија Бјорн Куперс.
.@ChampionsLeague There's nothing else like it, hairs on the back of your neck time..
— Gareth Bale (@GarethBale11) February 18, 2015
Кристијано Роналдо, на пример, пред секој меч во Лига на шампиони знае да го запее рефренот:
When you love the #UCL so much that you sing the anthem 😀🎶@Cristiano 👏👏👏 pic.twitter.com/Evt2xkOj9t
— UEFA Champions League (@ChampionsLeague) October 18, 2017
Серхио Рамос на својот личен сајт има статија посветена на неговиот прв настап во елитното натпреварување. Химната на ЛШ одамна ги надмина рамките на фудбалскиот терен, па ја свират и на свадби, и во театри.
„Многу е пријатно кога ќе излезеш на терен и ќе ја слушнеш (химната на ЛШ). Таа нè потсеќа колку е важен и посебен овој турнир“, рекол Меси во една прилика.
****
Химната на Лига на шампиони се интонира веќе 27 години. Неа во 1992 година на барање на УЕФА ја напишал британскиот композитор Тони Бритен. Како инспирација за мелодијата користел аранжман од свечената ода за крунисување од Георг Фридрих Хендл - ода за крунисување на британските кралеви, првпат напишана во 1727 година.
Хендл е познат германски и англиски композитор во епохата на барокот. Петр Чајковски еднаш напишал дека меѓу главните достигнувања на Хендл е неверојатната работа со гласовите и умешноста да извлече од хорот такви ефекти какви не постигнувале други композитори.
Химната првпат во ЛШ ја интонирале на натпреварите во есента 1992 година, а во пролетта 1993 ја интонирале и во финалето кога Марсеј го освоил трофејот по триумф над Милан.
УЕФА ИМАЛА ГОЛЕМА ЗАДАЧА ДА ГО РЕХАБИЛИТИРА ИМИЏОТ НА ФУДБАЛОТ
ЛШ дојде како смена за Купот на Европски шампиони во сезоната 1992/1993. УЕФА го смени форматот на турнирот, па заедно со него требало и нов амблем, нов идентитет и химна.
Маркетинг партнер на ЛШ станала компанијата TEAM Marketing чиј основач Крег Томпсон одговарал во процесот за создавање на химната.
„Проектот стартуваше веднаш откако се договоривме со УЕФА дека TEAM Marketing ќе стане екслузивен маркетинг партнер на Лигата на шампиони. Во тоа време во УЕФА имаше многу малку луѓе и тие решија да се консултираат со нас за многу работи поврзани со музиката и брендирањето“, вели Томпсон.
Во ’80-те години фудбалот страдал многу од хулиганизмот, пред се од британските хулигани кои ја нарушиле репутацијата за мирно натпреварување:
По трагедијата на „Хејсел“ во 1985 година, кога за време на финалето на Купот на европски шампиони меѓу Јувентус и Ливерпул загинаа 39 лица, поради агресивното поведение на британските хулигани, УЕФА им залепи казна на англиските клубови во должина од 5 години, а на Ливерпул 6 години суспензија.
Во 1989 година на стадионот „Хилсборо“ пред меч од ФА Купот меѓу Нотингем Форест и Ливерпул се случило страшно стампедо со трагични последици: загинале дури 96 лица. После трагедијата реагирало британското судство со цел да ги открие причините кои довеле до трагедијата.
Репутацијата на фудбалот јавно трпела критики поради хулиганите.
БРИТЕН ЈА НАПИШАЛ ХИМНАТА ЗА НЕКОЛКУ ДЕНА, А ЦЕЛИОТ ПРОЦЕС ТРАЕЛ ОКОЛУ МЕСЕЦ ДЕНА
Бритен бил дипломец на Кралскиот музички колеџ. На почеток на кариерата, Бритен работел во театар како музички директор, а потоа станал раководител на шоуто на најпознатиот британски театарски продуцент Камерон Мекинтош.
Во меѓувреме маркетинг компанијата T.E.A.M. и УЕФА сакале да го повторат успехот со најголемите тенори на сите времиња - Пласидо Доминго, Хозе Карерас и Лучано Павароти кој пеел на концертот за Светското првенство 1990 во Италија:
„Ми кажаа дека многу им се допаѓа мелодијата „Свештеникот Садок“ за крунисување на кралевите и дали може да им направам нешто слично“, се сеќава хронолошки композиторот на најпознатата фудбалска химна.
Но проблем се јавил кога TEAM Marketing побарал текстот да биде на три официјални јазици на организацијата УЕФА: англиски, француски и германски. Бритен на лист прво ги напишал стиховите на англиски јазик и побарал преведувач кој знаел германски и француски. Текстот на крај е напишан на сите три јазици. Има неколку стиха кои се повторуваат:
Ce sont les meilleures équipes (Ова се најдобрите екипи)
Es sind die allerbesten Mannschaften (Ова се најдобрите екипи)
The main event (Главниот настан)
Die Meister (Мастерот)
Die Besten (Најдобриот)
Les grandes équipes (Најголемите екипи)
The champions (шампиони)
Une grande réunion (Голема средба)
Eine große sportliche Veranstaltung (Голем спортски настан)
The main event (Голем настан)
„Кога завршив со мелодијата, седнав дома и мислев. Потоа седнав зад пианото. Во домашно студио на синтесајзер отсвирив неколку партии и на крај отидов во главно студио на пар дена“, се сеќава Бритен.
Целиот процес на создавање на химната траел околу еден месец.
„Кога првпат ја слушнавме мелодијата, и тоа без хор, ние сите се вљубивме во неа. Знаевме дека го добивме тоа што го сакавме. Химната е величествен празник на музика на кој секој може да му се насладува. Предлагавме композицијата да биде неколку пати испробувана, но резултатот ги надмина очекувањата и сфативме дека оваа химна стана популарна“.
Снимена е во студиото Angel Recording Studios во Лондон. Мелодијата ја исполнил Лондонскиот симфониски оркестар, а хорот бил од Академијата Свети Мартин. Композиторот на химната, Бритен вели дека секогаш кога ќе ја слушне химната пред натпреварите, очите му се насолзуваат.
