Ампутации и операции за спасување животи не се ексклузивни вештини на луѓето. Научници откриле дека еден вид мравки, кафеави од Флорида, се вистински мали хирурзи кои поседуваат медицинска интелигенција. Тие умеат селективно да ги третираат повредените екстремитети на колегите, им ги чистат раните а ако тоа не е доволно, им ги ампутираат оштетените делови за да им спасат жива глава.

Извонредно дебилна ама и уникатна идеја. Некој Азијат е во прашање, неговото куче и мајка му. Идиотот ќе направи беља по дома и после панично ја вика мајка му, товарејќи го кучето за бељата. A пустово, едно паметно и убаво, точно знае што е финтата, ама, од што не може да се објасни, му останува само да му ржи. А искрено, му треба адвокат.

На воени паради не се парадира само со тенкови, хаубици и друга моќна опрема што ја поседува таа армија. Секој вади што има. Еве ги Индијциве, извадија батаљон камили, што маскирни, што парадни. Можеби официјално ги викаат „повеќенаменски четвороножни теренски возила“ од моделите 1Г и 2Г (едногрби и двогрби). Ние бадијала ли ги трениравме она магарињата?  

Зомбија, walking dead, undead... многу корисен и користен концепт за хорор филмови на стравот и ужасот. Рационалното во нас сепак победува на крајот па човек си ја смирува фуфката пошто знае дека е тоа невозможно и надвор од секаква реалност. Aма по некое време налетуваш на видео во кое невро-паразит може да пушти мртва бубашваба во погон откако ќе загосподари со нејзиниот мозок. Некој нека демантира, плиз!

Тема која кај нас е актуелна пошто во последно време ги имаа бааги (Жировница, Ростуше...), Стојанче ги брка со строг но праведен глас, Владата си дала рок од цела година за решение (значи, 'постхумно'), а оние кои сакаат да ги заштитат, мечтаат за некакви звучни и светлосни ефекти, канти со инсталиран солзавец.... Да тргнеме од Сирија и да стасаме до Русија.

Социјални мрежи се полни приказни за игнорирање на туѓи маки, за немање емпатија, за вртење на главата на страна... Еве една сосема поинаква приказна од животинскиот свет. На бебе слонче му се чини дека човек се дави во реката. Нит мама дал ќе даде, нит тато дал ќе дозволи, веднаш тргнува да подаде сурла.

Ич нејќеме површни политички паралели (така 'Окно' правеа на времето, и за пеперутки да пишуваа, мораа да завршат со нешто за Грујо), ама ова неодоливо нè потсеќа на хипнотизиразноста, трансот и кататоничноста на некои шупливи еврофили кои толку ги магепсува тој пат што стануваат ем комплетно несвесни за реалноста, ем неспособни да мрднат од мртва точка.

Буриданово магаре е илустрација за еден парадокс во филозофијата во врска со концептот на слободната волја. Се однесува на хипотетичка ситуација во која магаре е ставено точно на средина меѓу два пласта сено. Не можејќи да се реши каде попрво да тргне,  магарето умира од глад. Двајца филозофи аматери го пробуваат концептот на едно куче, мамејќи го со по една виршла. 

Ситуацијава не е тешко да се дешифрира: Обично мажот го зема кучето да го прошета. Знаат богами и да се задржат, сака тој убаво да се протегнат и тој и кучето, здраво е. Еден деn, кучето за прошетка го зема жената. Излегуваат во маало и случајно проаѓаат покрај една кафана.

Се разбира дека немаше да застанат на оние катаљарда родови идентитети кои досега ги измислија бидејќи сите тие имаат едно големо ограничување: се работи сепак за човечки идентитети. Ова суштество, на пример, ја пробива и таа бариера па тврди дека е сокол (црвеноопашест, молим лепо) заробен во човечко тело. Ќе ѝ веруваме ако улови и изеде глушец.

Да имаа нашите езера крокодили, ова ќе беше честа глетка и ваквите сцени ќе беа идентични. После со тавчето ќе се испржеа кобасици „на жетончиња“ а пријатели ќе те прашуваа што тава користиш, пошто и тие имаат слични проблеми кај нив.

Фан факт: Просечната брзина на рефлекс на мачка изнесува меѓу 20 и 70 милисекунди, што е побрзо од просечната реакција на змија која изнесува меѓу 44 и 70 милисекунди. Така да, нема што змија да ѝ се курчи на мачка. Само што, на ова уште не ѝ беше јасно, дур не ја пошљакаа.

Додека за иста завршена работа, два мајмуна наградуваш исто, макар била тоа и незанимлива краставица, нема никаков проблем. Меѓутоа, кога еден од нив ќе наградиш со краставица, а другиот ќе добие  грозје - е тогаш станува озбилен проблем и во првиот мајмун се раѓа синдикалец! Го маваше со краставица, бе!

Во оние спиритуалистички мамбо- џамбо, секој човек има некое свое спиритуално животно кое го води и штити или пак чии карактеристики и самиот ги поседува. Па има куп квизови на кои ќе дознаеш дали си храбар лав, слободарски орел или пак итра лисица. Ама тоа индивидуално. Ние го најдовме колективното во нас.  

Онаа легендардно напната и драматична сцена кога гуштер/игуана бега од огромна банда змии, наместо Атенбороу, ја коментира Снуп Дог. Самиот сер Дејвид Атенбороу оцени: Ова е подобро од оригиналот. 

„Трчано прасе“ е стар фетиш на балканските месождери и свет грал на оние кои другари ги убедуваат да купат „жива мера“, од еден човек у село, лично го знаат....10 минутно запознавање со Пепер Санчез, Хоши, Џинџер, Пиги Смолс и Беар Троцки. После секоја трка- награда (од комензација), пред крај на колото - ладење во базен. Така се живее.

До сега жалевме кучиња кои се напуштени или пак лошо третирани од сурови сопственици. Доаѓа време да се жалат и некои други кучешки судбини. „Моето куче е вегетаријанец по свој избор“, гордо ќе рече оваа лујка и ќе ни покаже како нејзиниот пес преферира марула, а не телешко. Да, да.

Голем чалам дозволува тоа интернетот. Насери му се на некого, покажи му колку си јак и стисни сенд/ентер. Сосема друга приказна е кога очи в очи ќе се соочиш со оној кому си му се силел. Само што, штета, не доаѓа памет така. Во првата безбедна онлајн заседа, повторно ти се враќа оној „јакиот“.

Се работи за едиствената раса на кучиња која е во директно сродство со најуникатата раса на мачки - мачки вегани. Главната карактеристика што ги обединува двете раси е дека не постојат. Нешто што за кратко ќе го открие заблудената сопственичка на ова прегладнето куче.

Кога си човек сешто може да ти падне на глава. Гомце од птица, саксија од балкон, керамиди од покрив, ќеса ѓубре од комшијата на осми... Кога си птица, немаш такви проблеми, веројатно помисли оваа несреќничка која го попи за сите други нејзини посесетрими што нè серат.

Нормално некој да не ги сака тоа џуџестите искомплексирани створови, ама што човек треба да бидеш да не сакаш германски овчар или малиноа (a не дека нема аргументи жената). И без гајле, секако не зборува за вашето куче, вашето е поинакво.

Веројатно ќе сфатите од прва, а можеби ќе треба неколкупати да го видите видеото за да го научите најефикасниот начин како на агресивно куче кое загризало човек да му се отворат вилиците. Не е тоа најелегантниот начин што може да ви текне, ама па ако знаете некој друг начин, вие слободно повелете со тој. 

Господо политичари, медиумски ѕвезди, инфлуенсери и тајкуни, човек овде лесно знае да помисли дека живее над другите, негде таму горе, над облаците. Немојте така, колку и под вас да не се гледа калта на секојдневеито на другите. Не секогаш се паѓа на меко. 

„Хепи фит“ од вистинскиот свет, само што во него проблем на малото не е што не знае да пее ами да игра, туку нешто многу посериозно: женки кои не родиле а имаат страшна потреба да имаат младунче за одгледување. При што можат да го угушат од љубов. На смена за чување за паѓа таткото. Драма.