Изработено за домашна публика, видеово треба да ги увери Северно-корејците дека нивната армија е подготвена за која било закана. Не е проблем ако се појави и во странство, каде целта би била да се преплаши непријателот.
Паралелно со требењето припадници на ИСИС, американската авијација во секој воздушен напад со помош на милиони долари вредните ракети и проектили, уништува милиони долари вредно американско оружје.
По десетина години војни низ арапскиот свет, дополнети со вести од Чеченија и Авганистан, ИСИС годинава успеаа да воведат сосема ново ниво на ужас во новинските извештаи. Сето ова како дел од воспоставувањето, а сега и ширењето на нивниот калифат. Сега за прв пат, западни новинари успеаа да направат репортажа од таму.
Европа ја продолжува долгата традиција на сомничавост кон американската живина, овој пат по основа на забрана за увоз на она што политичарите стручно го нарекуваат "Пилиња во сос од хлор." Да нема забуна, ова Европа важи за ЕУ.
За да не излезе дека Американците се подадоа и во првиот момент кога почувствуваа дека Курдите се во сериозна опасност од ИСИС, повторно ги разлетаа авионите над Ирак, официјалниот став на Белата Куќа е - во ирачки Курдистан има Американци (војска + дипломати), и ова го правиме заради нив.
Преголемиот и премудар Туркменбаши доживува слична судбина како титовата, кому заклетвата "да са твога пута не скренемо" му ја раскурцаа уште Броз неизладен. Осум години откако се упокои Сапармурат Нијазов, Туркменистан и наследникот на неговиот трон се дрзнаа да му свртат грб и да се дистанцираат од неговото иделошко наследство. Убав повод да се потсетиме на нашиот омилен диктатор на сите времиња.
Санкциите што Русија ги воведе на Западот, ќе влијаат на 10% од снабденоста на Русија со свинско, риба и овошје, барем според министерот за земјоделие. Од друга страна, според официјални бројки Русија минатата година увезе храна во вредност од околу 43 милијарди долари, третина од вкупната потрошувачка.
Кинеската престолнина и официјално ќе преземе нешто околу проблемот со загадувањето и до 2020-та сосема ќе го забрани користењето на јаглен, за сметка на струјата и природниот гас. Замената не е ништо подобра.
На американските власти им протече незгоден документ, нумеричка база на податоци за оние лица кои разузнавачки се обработуваат бидејќи се познати или осомничени терористи. И знаете што? Повеќе од половината не се поврзани со никаква терористичка групација.
Користејќи ја истата логика според која може да се открие кој ќе биде следен клучен лик во Троновите што ќе биде промовиран по убиството на некој од главните, компјутерски модел кој ги обработува сите расположливи податоци за терористичките мрежи може да предвиди кој ќе биде следен лидер по елиминацијата на актуелниот. До сега погодува со 80% точност.
И покрај тоа што изгледа крајно рамнодушен додека на Русија постојано и се крчкаат и воведуваат нови санкции, Путин дома мора редовно да ги смирува олигарсите кои најмногу страдаат од овие санкции. И ова е лесниот дел од работата.
Три години откако со сила беше урнат режимот на Гадафи, Либија е потоната во хаос, безвластие и крвопролевање а западните ментори на "демократските промени" панично бегаат од земјата.
Амбасадорите на Данска, Шведска и Холандија, заедно со претставниците на Белгија, Британија, Италија, Унгарија, Австрија и Германија, беа свикани во израелскиот парламент, не да зборуваат, туку да слушаат, внимателно.
По цела година дизајнирање, во август ЦЕО-то на Газпром, Алексеј Милер, ќе добие официјален и уникатен Газпром таблет базиран на иОС оперативниот систем на Епл и по цена од 3 милиони долари.
Сегашниот лидер на Хамас, Халед Машал (со непоправлива желба да ја уништи еврејската држава), е истиот човек чиј живот во 1997-ма во последните мигови беше спасен од (тогашниот и сегашен) израелски премиер Бенjамин Нетанјаху. Ова се случи само неколку дена откако Машал беше врзан на машини за одржување во живот, по атентатот извршен по наредба токму на Нетанјаху.
Лувр годишно собира 9,3 милиони посетители, Британскиот Музеј има 6,7 милиони туристи, а Музеите на Ватикан собраа 5,5 милиони посетители. Проблемот е што некој треба да луфтира после сите овие.
Моментално Израелците ги бомбардираат Палестинците, ирачката армија се обидува да се справи со ИСИС, а Сиријците се борат меѓу себе, плус треба да излезат на крај и со ИСИС. Која и да си држава или организација на Блискиот Исток, во секоја твоја одлука треба да земеш во предвид уште 12 заинтересирани (и најчесто гневни) страни околу тебе.
Израел, кој тврди дека Хамас го крие оружјето меѓу цивилната популација во Газа, во понеделникот вечерта изврши околу 70 воздушни напади. При ова беше срамнета со земја единствената електрана во Газа и домот на политичкиот лидер на Хамас.
Несудениот македонски златен спонзор Субрата Рој сака да излезе од затвор ама за тоа му треба секретарка, канцеларија, опрема за видео конференции и уште пар неопходни деловни алатки (фикус?). И, судот најверојатно ќе му го дозволи тоа.
По пристигнувањето во Холандија, секоја од жртвите со посебен автомобил беше пренесена од аеродромот до гробиштата. Ова е видео од еден од мостовите на кои беа собрани луѓе за да ја поздрават поворката со починатите.
1988-ма САД и Иран веќе некое време се во притаена војна. Американците во Персискиот залив го имаат крстосувачот УСС Винсенс. На 3-ти јули Американците погрешно проценуваат дека еден ирански цивилен авион е воен и го соборуваат. Загинуваат сите 290 лица на авионот, меѓу кои и 66 деца.
Во март кога Русија го анектираше Крим, ЕУ и наметна санкции на земјата. Кога пред неколку дена беше соборен малезискиот авион, ЕУ најави уште посилни санкции. Во исто време Русите и понатаму не изгледаат како да паѓаат на овие закани.
Холандскиот велосипедист Мартин де Јонг два пати ја избегнува смртта пропуштајќи ги двата кобни лета на Малезија ерлајнс (МH17 и MH370). Како што објасни Вулф Блицер на СиЕнЕн и во двата случаја Де Јонг во последна минута решава да не се качи на летот. Проблемот е што нема никаков доказ дека де Јонг воопшто направил резервација за карта за летовите.
