Австриската десница и натаму копнее по териториите изгубени после војните. Нејзиниот лидер се заложи за повторно обединување на покраината Тирол.

Под водство на диригентот Валери Гергиев симфонискиот оркестар на Марински театарот од Санкт Петерсбург, имаше концерт сред Римскиот театар во неодамна ослободената Палмира. Концертот беше посветен на херојски загинатиот руски специјалец Александр Прокоренко.

Според документ обелоденет од Фајненшел Тајмс, Германија планира да избутка иницијатива за формирање "Европска армија" со единствен генералштаб и заеднички воени ресурси. Јасно ви е кој ќе биде главен.

По Индијана, Доналд Трамп речиси е гарантиран претседателски кандидат на Републиканската партија. Ова не радува голем дел од Републиканците, меѓу кои и Линдзи Грем, човекот кој во декември се повлече од трката за републиканска номинација.

Казна за државите на ЕУ од 250.000 евра за секој одбиен бегалец е решението со кое Јункер планира да покаже дека Унијата има начини како да ги доведе до послушност своите членки и дека сите има да бидат хумани со добро или со лошо.

По катастрофалниот пораз во Индијана Тед Круз објави дека ја прекинува својата кампања за републикански кандидат за претседател на САД, со што Трамп остана единствен кандидат во трката кај Републиканците. На другата страна Берни Сандерс собра повеќе гласови од Хилари во Индијана.

Откако 2-месечното примирје попушти, а мировните преговори останаа заглавени, Алепо пак се врати во редовната фронтовска состојба. Само во последните 9 дена во воздушни напади на градот убиени се над 200 луѓе.

Пред некое време пишувавме за припадникот на руските специјални сили кој повика воздушен напад директно на својата позиција, само за да не биде фатен жив од ИСИС. Телото на специјалецот вчера било вратено во Москва.

Руските државни телевизии прилично се напнаа откако дознаа за картонот со цртеж од оган кој стои наместо ветениот вечен оган на еден споменик за загинатите советски војници во Втората светска војна.

Меѓу ветувањата што ги има фаворитот за победник на претседателските избори на Филипините, е дека без проблем би се помилувал самиот себе за масовно убиство кое делумно и го најави.

Морнаричките Фоки и Делта Форс имаат убиено околу 40 клучни оперативци на ИСИС кои се одговорни за организирање напади низ Европа и Африка, собирање финансии за организацијата и регрутирање.

Имаа војна од две и нешто години со десетици илјади мртви и пар милиони расселени. Ете ги денес лидерите на двете завојувани страни, на инаугурален говор во кој меѓусебно се ословуваа како браќа.

До пред само некој месец раскошниот рај на секој што има каков било проблем со Западот и нема никаков проблем со обезглавување луѓе, деновиве е во сериозни проблеми со немање пари.

Уште на почетокот на кампањата Берни Сандерс ја знаеше слабата страна на својата изборна математика. "Ако не излезат работниците и сите оние кои живеат од својот труд, ништо не сме направиле," велеше тој будејќи ги надежите дека суштинска промена е можна. Веројатно е можна е, но не овојпат.

Од Северна Кореја па до Судан, санкциите од О.Н. остануваат главниот не-ракетен механизам на глобалните сили за зауздување на државите со амбиции за развивање нуклеарни програми, напаѓање цивили или неспроведување некаков вид демократија. Карактеристично за нив е што најчесто не успеваат.

Откако ЕУ со милијарди евра ја затвори турската бегалска рута, и почна дел од пребеганите да ги товари назад кон Турција, бегалците пробија нова рута која само ја потврдува нивната одлучност да стигнат до Европа. Новата рута води преку Бразил.

Месечните приливи на ИСИС паднале од 80 на 56 милиони долари. И ако ИСИС од другите влади во светов се разликува по многу работи, во една е иста: приходната дупка на буџетот ќе го пополнува со нови даноци.

Обвинувањето е од првите луѓе на германското надворешно и домашно разузнавање, според кои свиркачот за време на извршувањето на своето дело бил под влијание на руската влада.

Објавувањето на аннкетните листови на руските функционери обелодени дека во 2015-та, портпаролот на рускиот претседател имал четири пати повеќе примања од својот надреден. Дмитри Пешков објасни - од тато му се.  

Бразилците во просек во пензија одат на 54 години, а одредени државни службеници, војни функционери и политичари добиваат по неколку пензии што заедно можат да достигнат над 100.000 долари годишно. По нивната смрт пензиите ги наследуваат сопругите или ќерките, и имаат право на нив до крајот на животот.

Кога започнуваат немирите во Сирија 25-годишниот Абу Јазан работи како градежник. Откако ИСИС ја освојува Рака тој бега од својот роден град. Во јануари 2014-та пристигнува во Турција, каде не му дозволуваат влез во ниту еден бегалски камп, затоа што е млад и нема семејство. Од тогаш живее во Измир. Година и пол подоцна почнува да работи за една мрежа за шверц на луѓе.

Берни Сандерс веќе освои нешто големо а тоа не е неговата клучна политичка цел во моментов, партиската номинација за претседател. "Баталете кој победил во некоја дебата. Сандерс победи затоа што ги постави темите на дебатата," пишува Слејт.

Новинар саркастично го предизвикува го предизвикува канадскиот премиер Џастин Трудо да почне да збори за политика, затоа што за квантни компјутери сигурно нема што да збори. Не, а?

Ситуацијата е следна, ако администрацијата на Обама или Конгресот одлучат да донесат закон кој ќе овозможи саудиските власти да одговараат пред американските судови за каква било поврзаност со 11-ти септември, кралството ќе продаде американски хартии од вредност во износ од стотици милијарди долари.