Во исто време се случуваат неколку работи: Русија забранува увоз на млекото од Унијата, побарувачката од Кина се намалува, а се укинуваат и ограничувањата за производство на млеко за сточарите од Унијата. Краен резултат - млекото моментално е поевтино од водата.

Како можат Обединетите Нации да се борат против нееднаквоста во светот, кога не си ги плаќаат своите стажисти?

Мнозинството Американци се свесни за огромниот јаз во приходите но веруваат дека самите се наоѓаат на подобрата страна од кањонот. А грешат.

"Ќе ги разликувам Хамас од Хезболах кога ќе дојде време за тоа", рече човекот кој планира да го приближи својот прст до копчето за лансирање нуклеарни ракети.

Една линија од државотворниот ПР на Владимир Путин е да ги враќа моштите од славните Руси и да ги презакопува во родната грутка. Демек, сите Руси во иста држава, без разлика на нивната моментална здравствена состојба. Во последниот случај загризаа преголема коска, онаа на Рахмањинов.

Иако јавно се декларира како социјалист, нешто од кое политичка Америка веднаш ја фаќаат сипаници, Берни Сандерс засега остварува фасцинантни резултати, комплетно збунувајќи ја менталната матрица на која почива американското предизборие. Без разлика што ќе направи до крај, тој веќе ѝ покажа на Америка каква може да биде: голема и силна но наместо да дивее по светот, да се сврти кон себе и да поработи на порамноправно и поправедно општество.

Навежбани актери и скриени камери го предизвикаа и забележаа шокот на Британците кога едно утро неочекувано дознаваат дека нивниот град паднал под окупација на ИСИС.

Моментално забраната за увоз на западни производи во Русија е на ниво на контра-санкции, меѓутоа руската царина подготвува предлог закон, со кој странската храна е квалификувана како "стратешки важна," термин што до сега се користеше за оружје, отрови и радиоактивни материјали, и прекршувањето на забраната ќе се казнува со затворска казна до 7 години.

До крајот на оваа година Соединетите држави планираат да примат илјади бегалци од Сирија. Две илјади.

ИСИС е еден од малкуте ентитети во човечката историја кои кога би биле во дуел со СИДА-та би ти дошло да навиваш за второво.

Перјаницата на републиканската трка за претседателски кандидат го изложи својот план на темата на која самиот се смета за многу јак - дојденците. Да важеа правилата кои тој сега ги предлага, дедото на Доналд Трамп никогаш немаше да стапне во Америка.

Во Москва е уапсена банда од 6 луѓе заради поседување и производство на 30 милиони долари вредна залиха на фалсификуван увозен кашкавал чедар.

Населението на Бихар, држава во источна Индија која е трета по бројност на населението, собира примероци од сопствената ДНК за да му ја прати на индискиот премиер Нитиш Кумар. Причина: една негова за нив скандалозна изјава.

Ноќеска се случија две огромни експлозии во пристанишниот град Тианџин. Загинаа вкупно 40 луѓе, од кои добар дел пожарникари, а стотици беа повредени. Кога се раздени сликата беше апокалиптично стравотна.

20 години откако доби Оскар за нејзиниот обид на филмското платно да го спаси Шон Пен од смртна казна, Сузан Сарандон вистински застанува на страна на еден човек кој ќе биде убиен на 16-ти септември. 

Наместо да ги тераат вообичаените свадбени адети и да ги потрошат парите за веселба на своите пријатели, млада брачна двојка од Турција решиле на својата прослава да ги поканат и бегалците од соседна Сирија.

Сталин ја скова идејата за американската исклучителност а Американците тоа го лапнаа како баба пензија. Фамата за сопствената исклучителност е општо место и еден од тотемите на нивниот национализам, но на следните избори, за прпват ќе дебатираат и за тоа.

Благодарејќи на "кодот на овцата" клучниот бос на италијанската мафија успешно се крие од правдата повеќе од две децении.

Поранешниот американски претседател Џими Картер изнесе тешки обвинувања за постоечкиот изборен модел во САД нарекувајќи ја земјата олигархија која има неограничени можности за политичко подмитување.

За време на Летната Олимпијада 2008-ма, главна грижа беше загадениот воздух на Пекинг. Сега по добивањето на организацијата за Зимската Олимпијада главна грижа е загадениот воздух и тоа што во Пекинг и околината не паѓа снег.

Следната година учесниците на Летна Олимпијада во Рио ќе пливаат и веслаат во води кои се толку загадени со човечки измет што постои ризик да станат сериозно болни и да не се способни да се натпреваруваат на игрите, е заклучокот на истрагата на Асошиејтед прес.

Компанијата што управува со тунелот под Ла Манш побара некој да и ја покрие сметката од 9,7 милиони евра што ги потрошила за спречување на мигрантите.

Не ви е баш јасно што се случува на Блискиот Исток? Не се секирајте, истражувачки тим на тн. „Институт за интернет дијаграми" создаде интерактивна слика која ги сумира геополитичките сојузништва во древниот регион од мезозоик до денес.

Бен Шлапинг (25) е една од најголемите ѕвезди помеѓу елитна група опсесивни авио-патници со бизарна мисија - да се надмудрат авионските компании. Тие имаат само една цел: да летаат бесплатно, колку што е можно полуксузно, колку што можат повеќе, без да бидат фатени.