По две војни кои се уште тлеат, стотици илјади убиени цивили, илјадници загинати американски војници и потрошени неброени милијарди долари, на Џорџ Буш помладиот му требаа само 9 години за да го рехабилитира својот имиџ.

Да не вадиме подлабоки равенства ама повеќе лични исповеди покажуваат дека Хитлер е сериозен вегетаријанец, а и овие новите безмозочници што се палат на него тргаат по ист пат.

Меѓу останатото Грузија има две работи во изобилие: лешници и проблеми со Абхазија. Лешниците му требаат на Фереро за правење Нутела, а проблемите со Абхазија никако не помагаат во ова. Ништо од ова не станува полесно со вклучувањето на ЕУ во приказната.

Откако се потпиша и Никарагва, на површина излезе едно необично перверзно сојузништво: САД и Сирија се единствените држави во светов кои не ја дадоа својата поддршка за парискиот климатски договор.

Еден од најмилитантните генерали на САД очигледно уште не може да им прости на Русите што своевремено го избламираа влегувајќи први на приштинскиот аеродром по косовската војна. Иако Обама на времето прописно го олади, некогашниот прв човек на НАТО повторно би да е фактор па оценува дека Русија е главната опасност. Не Северна Кореја, не ИСИС и тероризмот. Русија.  

Викинзите ги испосекле шумите на Исланд уште пред илјада години. Oттогаш, овие што сè не пробаа да ги вратат. И нејќе па нејќе.

Не е тајна дека Илон Маск го сака Марс. Толку е опседнат со заминувањето таму што некогаш се чини дека дигнал раце од оваа планетава. Неговиот кломерцијален ривал, Ричард Брансон, мисли дека Маск треба малку да се спушти на земја.

Влезницата во „Клубот 400“ е зголемена за 18% од лани а секој од првите 10 си го накачил богатството за барем една милијарда долари. 24-та година по ред, орото го води Бил Гејтс кој денес тежи 8 милијарди долари повеќе од лани. 

Изнервиран што му се мешаат во оружјето, републикански законодавец изготвил предлог закон со кој истото се бара и за новинари. Кој е без лиценца,  може да биде новинар само по дома.

Австриската полиција казнила човек затоа што заради рекламирање на еден дуќан, бил маскиран во ајкула. По кој закон го казниле? По законот за забрана на бурки.

Не се работи за апокалиптично предвидување со библиски алузии. Бангкошката Содома и Гомора не се случува заради самиот блуд туку главно поради замивањето после него.

Компанијата која ја постави статуата на девојчето која му пркоси на мачо симболот на финансиската моќ, бикот на Вол Стрит, предизвика општо внимание кое сигурно ѝ годи. Но и едно посебно внимание, кое, не баш.

Во драматичен пресврт на досегашната пракса, производителите на цигари добија судска наредба да почнат да се рекламираат на телевизија и весници. Во уште подраматичен пресврт за самите производители, рекламите што ќе ги плаќаат треба да објаснуваат како тутунската индустрија лажела за штетноста од пушењето цигари.

Во времето кога полицијата на Лас Вегас ги вадеше последните бројки за жртвите, од преку пола свет стигна соопштение од ИСИС дека извршител на масакрот е „војник на Исламската држава“. Ваквото на ништо базирано тврдење беше надополнето со второ соопштение во кое се појаснува дека убиецот наводно пред неколку месеци преминал во Ислам.

Метанот е стакленички гас што е 86 пати поштетен отколку јаглерод-двооксид и по ново до неодамна сериозно сме потценувале колку многу го произведуваме. А го произведуваме по две основи: вадење нафта и гас, и одгледување стока.

Утехата на демократите е дека веќе е крајот на 2017 и се ближат меѓу-изборите за Конгресот во 2018, па за не така долго време "се додека успееме да избегнеме нуклеарна војна" претседателските избори во 2020 ќе бидат крајот на Трамп, пишува Пол Волдман во Вик.

Прв чекор: направи го патувањето со воз масовно и општо прифатено. Втор чекор: направи ги возовите да работата на струја (наместо на јаглен или други фосилни горива). Трет чекор: направи електрична енергија за возовите 100% да доаѓа од ветерници.

Во вторникот Саудиска Арабија со кралски декрет ја укина забраната за жени да возат автомобил, нешто кое во 2017 е неизмерно заостанато за цел свет а е неизмерно напредно за Саудијците.

Научнофантастичното ветување на Маск е дека ќе можеш да стигнеш каде било на планетава за пократко од 1 час, и тоа со ракета.

Пишувајќи за француската владина програма за искоренување на тероризмот преку образование на ризични групи млади луѓе на тема историја, филозофија, литература и религија, новинарката на Атлантик ја раскажува приказната за родениот Французин кој стана дел од ал-Каеда.

За конзервативците беше расипувач на смерната американска младина. За феминистките беше шовинист. За многумина беше борец за човекови права, особено за сексуалните. Хју Хефнер се одјави на 91, задоволен од постигнатото. 

Ништо националистички и расистички, туку пиар пред светот и бизнис, па додека Кина се брендира како центар за чиста обновлива енергија, целото свое производство на јаглен го преселија во Африка.

Со постава од препознатливи ликови но освен тоа чисто бескорисен, Комитетот за истражување на Русија речиси и да нема цел, пишува Хана Гаис во Аутлјан за новиот ангажман на Морган Фримен како заштитно лице за неодамна формираната „непартиска, непрофитна“ организација во чие име актерот објави дека Америка е нападната од Русија (наводното хакирање избори) и „ние сме во војна“.

Како што германските медиуми го срочија, минатата деценија и нешто беше "Меркел ваму, Меркел онаму, Меркел секаде". На изборите што ќе се одржат викендов, оваа пракса се очекува да биде продолжена барем уште еден мандат.