Интерсепт во својата анализа на американските и општо западни интервенции во Ирак за соборувањето на статуата пишува:
„Ова беше брилијантна, полу-режирана вежба по пропаганда насочена кон засилување на неоконзервативното ветување дека обичните Ирачани ќе бидат пресреќни од падот на режимот и ќе ги пречекаат американските војници како ослободители.“
Инаку проблемите на Ирак со САД и Западот (и обратно) не се од пред 15 години, туку имаат над 50-годишна историја и почнуваат кога граѓаните решаваат да се ослободат од својот монарх, кој речиси бесплатно им ги предава нафтените полиња на земјата на западните компании, и сакаат да воведат демократска власт која ќе работи во интерес на народот.
„Овој класичен пример на американски империјалистички злосторства започнува во 1958 кога монархијата поставена од Британците е соборена од популарен ирачки генерал кој решава да ја национализира нафтата, да ги нормализира односите со Советскиот сојуз, и да имплементира масовни аграрни и општествени реформи,“ се објаснува во анализата на Интерсепт.
