Вести › Набрзинка

Затворени 15 сендвичарници во близина на школи

16 ноември 2025

По 445 инспекциски контроли спроведени во последните десетина дена, Агенцијата за храна и ветеринарство (АХВ) изрече 15 забрани за вршење на дејност на оператори со храна.
696 килограми небезбедна храна од непознати добавувачи биле запленети и уништени.
Контролите биле насочени особено кон објектите во непосредна близина на основни и средни училишта, од каде учениците најчесто купуваат храна.
Инспекциските проверки откриле дека 19 оператори ставале во промет небезбедна храна, кај 30 се утврдиле незадоволителни хигиенски услови, а од вкупно контролираните, 26 оператори не биле регистрирани во АХВ.
Изречени се и парични казни за 77 оператори, во вкупна вредност од 36.470 евра

извор

Новото банкарство за млади е тука! Zipp Club пакет од Комерцијална банка

14 ноември 2025

извор

Од анализирани 19 случаи, десет операции биле непотребни

14 ноември 2025

Интерната комисија за кариолошки и кардиохируршки интервенции во Министерството за здравство, од 19 анализирани пријави од пациенти и институции за сомнителни случаи на непотребно извршени интервенции за срце во јавни и приватни здравствени установи, кај 10 утврдила дека се непотребно извршени операции или непотребно се упатени за операции.
Претседавачот на комисијата доктор Жарко Христовски, рече дека во оваа првична фаза анализирале само пациенти кои имаат васкуларна болест, а сите други пациенти ќе се анализираат по пријава или при следната фаза од нивното работење.
Ова е само првична анализа но и понатаму ќе се постапува со меѓународна комисија за дополнителна анализа за случаите со проблематични индикации.
Ќе има рандом влегување во институции, ќе се прави анализа на лекувањето на пациентите со кардиолошки проблеми и ќе се бара комплетен увид во медицинската документација.

извор