Глупоќата на политичката коректност оди во гротескни димензии. Орвеловата „1984“ на еден факултет ја даваат со предупредување дека содржи експлицитен материјал кои некои млади можат да го доживеат како навредлив и офанзивен. Како некој да ти викне „пази да не те фати струја!“, а ти му одговараш „глуп еден, не се вика пази, туку внимавај!“

Јазикот веќе подолго време е главен фронт на кој се одвива навидум прогресивната културолошка војна за креирање пофер свет. Кој ти го контролира јазикот, тој ти ги контролира и мислите, а на јазичките полицајци никогаш не им е доста. 

Не е тешко да се подбиваш со оние кои во пандемијата гледаат некаков план или заговор. Тешко е кога ќе дознаеш дека таа пандемија не била баш маќеа за сите и дека таа е глобален проблем за милијарди луѓе, но и бинго за шака одвратно богати персони. 

Богатите родители треба своите деца да им ги дадат на сиромашните, а сиромашните да им ги дадат своите деца на богатите. Истата трампа треба да се направи и меѓу луѓето што имаат дом и бездомниците, и само на тој начин „Калифорнија некогаш ќе постигне вистинска правичност“.

По исцрпувачките локдауни, Австралија деновиве доживува огромно зголемување на бројот на новозаразени луѓе. За Австралијците, Новак Ѓоковиќ е најмалиот проблем, но го доживеаја како провокативен прст во око и сета огорченост што дозволија да бидат затворени две години, сега ја истураат на тенисерот.

Во новото, лажно левичарење (види: За да не помислат на класи, с'скај ги со раси) се истураат пари од кои боли глава. Дури и политичките опции на кои им одговара активизмот насочен кон нивните конкуренти, загрижени се од моќта на овој пребогат НВО левијатан.

Луфтханза дига климатски аларм известувајќи дека регулаторите на ЕУ бараат од компанијата оваа зима да изведе 18.000 летови без патници, ако сака да ги задржи слотовоти на европските аеродроми. А Блажо од Прдејци на вести слуша дека тој е крив зошто се грее на дрва.

Новинар на Дојче веле пишува дека австралиските политичари предолго ја користат непопустливоста на граничната политика за да ги придобијат гласачите кои - иако е тоа нација на мигранти - се станати горди на затвореноста на земјата. Самиот тој не може да си ја посети фамилијата во Австралија веќе две години.

Новак Ѓоковиќ беше еден од 26 луѓе кои побарале медицинско изземање од правилата за влез во Австралија и сите тие случаи биле решавани анонимно. Експерт за имиграција вели дека властите сега ќе се соочат со најмалку три незгодни прашања од адвокатите на тенисерот, откако му беше оспорена визата и оневозможено уште еднаш да загосподари на Австралија Опен. 

Бидејќи на прогресивните бадијалџии ознаката латино им се чинеше премногу машка (женски е латина), смислија демек родово неутрален термин латинкс (latinx). Терминот се фати во нивни кругови, но не и кај самите латино луѓе кои сега прашуваат: Кој ви даде право да ни кажувате како да се викаме?

Пред седум години Кина објави војна на загадувањето на воздухот и сериозно почна со релокација на  индустрија, намалување емисии од транспорт, кратење јаглен... Лани во Пекинг ги исполниле зададените стандарди.

Сте украле автомобил или нешто друго? Сте дале мито? Ако, нека ви е со среќа, сè додека сте сигурни дека тоа го имате пријавено во годишната даночна пријава во нивниот УЈП.

Млади, глупи и аздисани Французи обожаваат да палат рандом автомобили за новогодишните празници. Во добри години знаеле да запалат и преку 1.300 коли во една ноќ. Годинава не успеале да буфнат ни 900.

Иако од нивниот лидер, фамозно мистериозниот Q нема абер повеќе од една година, движењето кое тој го покрена не само што не го снема туку е можно да стане уште повлијателно, и тоа долги години кои се пред нас. 

Занимливи работи се работи се случуваат во полето на транспортот и личниот превоз. Британска министерка порачува дека е време да се напушти стариот концепт на поседување своја кола а во САД има предлози да се плаќа данок на секој извозен километар.  Време е да се мисли за коњ.

Франција се одважи да се соочи со некои од своите државни злосторства и да ги отвори архивите кои досега беа недостапни: за алжирската борба за независнот и за масакрот на Алжирци во Париз кој се оценува како најнасилната државна репресија против улични демонстрации кој некогаш се има случено во Западна Европа.

Еден широко користен растворувач за бои и отстранување дамки се наоѓа на „зелената“ листа на Агенцијата за заштита на човековата околина, иако постојат многу наводи дека е канцероген. Токсиколог од агенцијата го навел тоа во еден негов извештај, ама неговата шефицата проценила дека не мора тоа да оди во јавност.

Поранешниот британски премиер рече дека на луѓето ќе им требаат нови дигитални идентификациони документи во кои ќе стои „статусот со болеста“ кои заедно со програмите за следење се „природна еволуција“ на начинот на кој ќе живееме. Кој спомна чипови?

„Престанете да му попуштате на Елон Маск, не може тој човек да носи правила кои само нему му одговараат!“ грмнал новиот шеф на Европската вселенска агeнција. Небото над нас толку се начичкува со сателити што неекои астрономи стравуваат дека веќе нема да можеме да ја истражуваме вселената од Земјата.  

Студенти во Кембриџ изразија загриженост што се принудени да си купуваат готови пецива откако универзитетската кујна останала без шефот за лиснати теста. Некои велат дека го изгубиле чувството дека се на Кембриџ.

Во САД годинава почнаа да укинуваат казни за ненапишана домашна или писмена задача. Ако не ја напишал на час, ученикот може да си ја однесе писмената дома и да ја врати кога сака. Ако воопшто сака. Ако не, му се дава друга. „Ова ќе го изеде школството одвнатре“, велат загрижени професори.

Човекот што има шест деца смета дека колапсот на глобалната популација е најголемиот ризик за човековата цивилизација, „ќе биде тажен крај (на цивилизацијата) кога младите во пракса ќе бидат робови на грижата за старите“.

Престижниот универзитет од Масачусетс реши да откаже неконтроверзно предавање на еден професор на комплетно научна тема. На баграта им пречело нешто друго од професорот, сосема неповрзано со неговата дисциплина - тоа што бил против нивниот Охридски рамковен договор.   

Францускиот министер за образование најави дека ќе бидат засилени изучувањата на античките европски цивилизации со цел младите Французи да бидат поотпорни на културниот нихилизам кој доаѓа отаде барата а кој инсистира на осуда, бришење или ретуширање на речиси целата културна историја, сведувајќи ја на обична маска за ропство и расизам.