Во раната фаза на холандскиот Куп, Емдајк со 2-1 го совладал ОЈЦ Росмален во дуел не нисколигаши. Гостинскиот голман Ралф Вос во 90+3’ минута го постигнал најубавиот гол на мечот и сигурно најубав голмански полусезонава.

ЛА Лакерс изгуби од Кливленд Кавалирс 134-110. Леброн Џејмс имаше 26 поени, 6 скока и 3 асистенции за 29 минути на паркетот а Ентони Дејвис додаде 22 поени со 13 скока. Интересно на овој дуел во салата на Кливленд Кавалирс првите поени во регуларната сезона ги даде и Брони Џејмс кој забележа 2 поени (1/2 од игра), 2 асистенции и една украдена топка за 5 минути на терен. Гледачите во Кливленд, градот во чија близина е роден Леброн кој му донесе титула на овој клуб, го поздравија младиот Брони.

Џамал Мусиала запиша хет-трик на гостувањето против Мајнц во Купот на Германија, потоа ја зема топката и фати да го имитира колегата Хари. Прв за ваков тип на забава е се разбира Томас Милер, кој му дофрла на крај како да заврши.

Во второто полуфинале во Копа Либертадорес, најсилното клупско натпреварување во Јужна Америка, Пењарол го совлада Ботафого со 3:1, но не оди во финале поради петардата на првиот дуел. Не може да се носат со Аргентинците, кои ја направија најјаката атмосфера во свет, ама и ова не е за потценување.

Колку само трагично си го сфати доделувањето на Златната топка. До тепачка дојде работата.

Аргентинскиот ас Анхел Ди Марија (36) на мечот со Санта Клара од четвртфинале на Куп на Португалија кој Бенфика го доби 3-0 постигна преубав гол. Волејиште!

Македонскиот центарфор се израдува на првите голови во дресот на Жирона и тоа во вистински момент, на само две недели до следните репрезентативни настапи.

Одредени лекции на терен мора да се научат, особено кога си на нишан пред цел светски аудиториум, а истовремено во дрес на Реал Мадрид. Лука ти е жив пример. Плус го имаш во соблекувална.

Четвртфинале на УС опен 2007 меѓу Енди Родек, кој ја заврши кариерата со само еден Гренд слем (УС опен 2003) и кој одигра уште три големи финалиња, сите на Вимблдон и сите со пораз од Федерер. Погледнете ја оваа рутина на Швајцарецот на која и коментаторите се чудеа и се прашуваа дали некој друг му го има направено ова на Американецот.

Со двата гола на нивните главни играчи Ромелу Лукаку и Хвича Кваратцхелија, Наполи со 0-2 го победи Милан на гости и ја продолжи кризата на росонерите кои сега се на осмо место во Серија А со три порази и гол разлика 16:11. Тренерот Фонсека го остави Рафаел Леао на клупата за резерви со што уште еднаш потврди дека не е задоволен од залагањето на Португалецот. А и кога го стави во игра овој не се трудеше премногу и делуваше апатично на теренот. Наводно Барселона сака да го искористи овој конфликт и да го доведе Леао во своите редови, пишува шпански АС.

Франческо Тоти, иконата на Рома и една од најголемите легенди кои се појавиле на италијанската фудбалска сцена, како да не го држи место, без разлика на годините.

Далас Маверикс ја совлада Минесота со 120:114, во реприза на минатогодишното финале од Источната конференција. Кајри Ирвинг постигна 35 поени, а Лука Дончиќ 24. Словенецот погоди само една тројка и тоа на една минута до крајот на мечот за +8, ама спектакуларна од кај логото на паркетот.

Култниот стадион на Бока Јуниорс, „Ла Бомбонера“ е отворен на 25-ти мај во далечната 1940-та година. Реновиран е неколку пати а последна генералка му правеле во 1995/1996. Има капацитет од 54.000 места. Во последно време излегуваат снимки на кои се гледа како фасадата се рони, стадионот се тресе и не е баш паметно да се продолжи така.

„Во соопштението или кој враг беше тоа, има пеколно опасни индиции дека на Вардар уште еднаш му се подготвува нешто гадно. Праварантите лажно се претставиле, ја измамиле кутрата македонска спортска јавност. Сите изјави се давани од неовластени ликови кои ги нема никаде во легалните државни книги во спосокот на Вардар. Го повториле делото измама“, вели легендарниот напаѓач на Вардар

Уште е хит статуата на Двејн Вејд од Мајами Хит. Прво, деца може да се уплашат. Второ, не можеше полошо да го направат. И самиот кошаркар за себе праша „Кој е овој тип?“

Елегантниот Јоргос Барцокас успеа да го задржи европскиот шампион Реал Мадрид на само 69 поени и Олимпијакос со постигнати 79 поени славеше многу важен триумф во Евролигата. Главни творци на триумфот на Олимпијакос беа Саша Везенков со 23 поени, осум скока и две асистенции, Шакил МеКисик со 15 поени и девет скока и Томас Вокап со 12 поени и четири асистенции. Кај Реал Мадрид Марио Хезоња даде 15 поени со пет скока и четири асистенции, Габриел Дек додаде 12 поени а Факундо Кампацо имаше седум поени но и 10 асистенции од кои една беше лудорија.

Лајпциг го совлада Сент Паули 4:2 и се пласираше во осминафиналето од Купот на Германија. Елиф Елмас доби шанса во 76-та минута и 4 минути подоцна му подаде топка на Антонио Нуса, кој сам дрско и самоуверено ја збриша гостинската одбрана. Додавањето на македонскиот репрезентативец ќе му биде запишано како асистенција. За издвојување е и голчиштето на гостите преку Ерик Смит, кој ги збуни сите.

Она што го прават навивачите на аргентински Ривер Плејт е магично. Таква луда и френетична поддршка нема ниту еден спортски колектив на светот. Во делириум синоќа го започнаа реваншот од полуфинале на Копа Либертадорес против бразилски Атлетико Минеиро. За жал не успеаа да ја надоместат огромната негатива од 0:3 од првиот меч во Бразил и Атлетико оди во големото финале каде ќе има се-бразилски мегдан со Ботафого кој го згроми Пењарол со 5-0.

Најдобриот стрелец во клупски и репрезентативен фудбал во историјата, еден од најголемите на сите времиња кои ја играле оваа игра, и натаму трча по топката во Саудиска Арабија во дресот на Ал Наср.  Синоќа играа во Купот на Саудиска Арабија и изгубија дома против Ал-Тавун 0-1. Роналдо промаши пенал во 90+6’ минута а притоа удри со топка во едно дете во публиката. Виновник беше за поразот на неговиот тим.

Денвер Нагетс полека се буди од апатијата во која тимот западна веќе неколку недели. Нагетс ја започнаа сезоната со два воведни порази од Оклахома и ЛА Клиперс, но сега со два триуми го израмнија учинокот на 2-2. Прво го победија Торонто 127:125 а синоќа Бруклин после продолженија 144-129. Се знае кој беше играч број 1 на натпреварот.

Трофејот на 35 годишниот стопер на Рома се вика Никола Каванис, германски модел, инаку 10 години помлада од него. И сега уште сте за Винисиус? Или Каванис?

На свечената гала вечер во Париз каде во организација на Франс Фудбал и УЕФА се доделуваа награди за најдобрите во машка и женска конкуренција, познатата холивудска глумица Натали Портман се сликаше со фудбалерите на Барселона и неочекувано покажа четири прста, како алузија на скорешниот триумф на Барселона над Реал во Мадрид.

Еуфорично, со музика и во друштво, асот на Манчестер Сити и Шпанија го прослави освојувањето на Златната топка. Песната им тргна уште во автобус, а во делириум е и келнерот, кој со едната рака свири, а со другата држи ајнцер.

Статистичарите во НБА извадија податок дека Леброн Џејмс ноќеска ја имал најлошата шутерска претстава во последните 17 години. Мечот го заврши со вкупно 11 поени, со шут 3/14, а во обид да го избегне поразот од Феникс, намерно го промаши второто слободно фрлање на 6 секунди до крај. Колку само лошо го направи тоа. Феникс Санс - Лос Анџелес Лејкерс, конечни 109:105.