Непоразениот Еспањол совладувајќи го Атлетик Билбао со 3:2 ја забележа третата победа по пет одиграни кола во шпанската Примера. Виктор Санчез беше стрелец на два погодоци, а првиот беше вистинско ремек дело.

Секое дете кое барем еднаш фатило баскет во рака сонува да игра во НБА лигата, но реалноста и бројките велат дека дури и да играш кошарка во средно училиште во САД, шансите да стигнеш до НБА ти се 0,03%.

Го имаме кандидатот за најлуд пенал на сезоната. Тој е дело на Глен ван дер Линден од белгискиот второлигаш Мускрон чиј удар од белата точка беше одбранет, но потоа тој си ја намести топката за ножички и постигна убав гол.

Ховорка од Спарта Прага неодамна даде гол со задникот. Славниот француски напаѓач Тиери Анри сега се буни дека поради многу мрдање со тој дел на телото требал да добие пенал.

Истражувањето кое го објави реномираниот весник „Република" покажува дека натпреварите во Серија А ги следат за 16% помалку „обични" гледачи отколку пред четири години, а бројот на најстраствените фанови на стадионите бележи раст.

Има и други начини како да спречите контра напад, но 19 годишниот Гаспер Инигуез на средбата помеѓу Аргентинос и Бока Јуниорс го избра најболниот за него. Немој да учите од него, ќе ве боли.

Матијас Куо-Думбе имаше незаборавно деби за англискиот четвртолигаш Нортемптон против Менсфилд. Тој постигна прекрасен гол лобувајќи го голманот со лоб удар. Проблемот е што тој си го лобуваше сопствениот голман.

Не сме само ние импресионирани од Американецот кој го дава максимумот во дресот на Македонија. Поранешниот репрезентативец на Велика Британија, Флиндер Бојд пишува за нацијата која му се поклонува на Лестер Бо Мекејлеб - The God Of Macedonia.

Фудбалската федерација на Ел Салвадор доживотно суспендираше 14 репрезентативци поради учество во наместени натпревари.

Не дека другите викенди има нешто помалку спорт, но изминативе неколку денови беа преполни со врвни настани кои ги задоволија вкусовите на сите спортски сладокусци и покрај тоа што се случија неколку невообичаени настани на фудбалските терени.

За најкорисен играч на Европското кошаркарско првенство во Словенија е прогласен предводникот на новиот шампион, Тони Паркер, а тој се најде и во идеалната петорка на натпреварувањето.

Сите мажи кои мислат дека се неприкосновени цареви за мал фудбал, нека го одгледаат овој гол и после да си купат игли за плетење. Запознајте ја Рита Мартинс од женската футсал екипа на Бенфика.

И тоа се случи! Марио Балотели го промаши првиот пенал во својата сениорска кариера. Јунакот кој го одбрани првиот пенал по 20 успешни реализации во серија е Пепе Реина при победата на Наполи на гостувањето кај Милан од 1:2.

Кошаркарската репрезентација на Франција ја растури Литванија во финалето на 38-то издание на Европското првенство и за прв пат во историјата ја освои европската круна.

Актуелниот првак во Формула 1 шампионатот, Германецот Себастијан Фетел е се поблиску до нова титула откако триумфираше и на ноќната трка во Сингапур.

Македонскиот шампион Вардар со борбена и цврста игра успеа да ја запре Барселона на првиот меч од новата сезона во Лигата на шампионите со конечни 29:29. Вториот наш претставник Металург почна триумфално на гости против швајцарски Тун со 23:22.

Супер-фудбалскиот викенд ќе ни донесе уживање во премногу квалитетни дерби дуели, но и добра понуда од која ние го составивме нашиот викенд „дерби" тикет.

Во изминатите седум денови видовме многу прекрасни голови на фудбалските терени за време на натпреварите од националните и континенталните првенства, а ова се најдобрите десет од нив.

Репрезентацијата на Франција во драматичен натпревар по едно продолжение ја победи Шпанија, а Литванија беше поуспешна од Хрватска во полуфиналните натпревари и овие две селекции си закажаа дуел во финалето на Европското кошаркарско првенство.

И да врне и да вее викендов ич да не ви е мака. Заборавете ја малку работата, откажете го состанокот со девојката, грабнете го далечинскиот управувач и опуштете се со фудбал. Следува најголемиот спортски викенд што можевме да го посакаме, преполн со дерби мечеви.

Откако домашните навивачи се жалеа, а гостинските им фаќаа сеир за тивката атмосфера на стадионот Олд Трафорд, Манчестер Јунајтед ќе собере на куп 1.400 најгласни навивачи расположени за пеење.

УЕФА ја потврди кандидатурата на Македонија која со својот најголем стадион се кандидираше за домаќин на еден од натпреварите на револуционерното Европско првенство. Но колку е логично еден ваков фудбалски собир да се одржува исто време во 13 држави?

Швајцарецот Адмир Мехмеди кој е роден во Гостивар, наместо херој по постигнатиот гол за Фрајбург, стана трагичар откако им ја подари топката на фудбалерите на Либерец кои израмнија за конечни 2:2. Летово Мехмеди се „прослави" и со едно промашување на Олимписките игри.