Трансферот на играчи ќе биде главна тема во фудбалот ова лето се додека трае крајниот рок кој завршува на 31 август. Газдите на клубовите едвај чекаат да ќарат некое квалитетно засилување без пари, а тоа можат да го сторат во Англија каде на дури 85 играчи им завршуваат договорите.

Спаси го Роверот. Ваква задача доби ова голманче кое рипа како скакулец на сите страни. Не знаеме дали џипот е негов, ама задачата си ја заврши одлично.

Шест навивачи на италијанскиот нисколигаш Про Патрија добија затворски казни за расистичките навреди на фудбалерите на Милан на пријателскиот натпревар во јануари.

Младата бразилска ѕвезда до сега одлично се носи со славата, а тоа допрва ќе треба да го покаже и во Европа. Тајната на неговиот досегашен успех не се должи само на неговиот талент. Професионално и приватно за него се грижат вистинските луѓе кои му помагаат послено да си го трасира патот.

Што имаат заедничко Мата, Хунтелар, Лампард, Чех, Пирло, Канаваро, Фиго, Шукер...? Тоа се само дел од фудбалерите кои се истакнаа на Европските првенства за играчи до 21 година, а денес во Израел започнува 19-то издание на натпреварувањето од кое ќе ги добиеме нивните наследници.

Како изгледаше првото логирање на Мурињо на неговиот Фејкбук акаунт по пристигнувањето во Челси.

Не дека рускиот тајкун не искешира доволно и не го привлече Фалкао со големата плата, но Атлетико Мадрид и самиот фудбалер беа последни кои беа прашани и кои одлучуваа за неговиот трансфер во Монако.

Расел Пекер, рагбистот на Њу Зеланд Вориорс беше уловен од камерите како го наводнува теренот за време на натпревар, по што челниците на лигата веднаш му изрекоа казна во висина од 15.000 долари.

Робин ван Перси постигна најмногу голови во Премиер лигата, но според некои аналитичари тоа не го прави и најдобар стрелец. Својата минутажа на теренот најдобро ја искористил неговиот соиграч Хавиер Ернандез.

Најквалитетно клупско европско натпреварување е се разбира привилегија и уживање за секој фудбалер, но патот за да се биде во друштво помеѓу најдобрите воопшто не е лесен. Овие три имиња сигурно дека заслужуваат да бидат дел од тој собир, а тоа е можно да се случи веќе од наредната сезона.

Кога можат Манчестер Јунајтед, Баерн Минхен, Јувентус... зошто да не и Дакпонд?! Аматерски фудбалски клуб од Англија ја прослави титулата во 16-та лига со шампионска тура во отворен двокатен автобус.

Исфрустрираниот Ибрахимовиќ не можеше да го пронајде патот до мрежата на гоманите Пачовски и Наумовски за време на пријателскиот натпревар против Македонија. Во последните минути од натпреварот тој беше сам пред празниот гол, но не беше проигран од Тоивонен, па Ибра реши да го истури својот бес на пречката и го изгуби овој дуел.

Германскиот стратег кој пред 6 години веќе беше еднаш во пензија и покрај шпекулациите дека ќе седне на "жешкото" столче на Реал Мадрид одлучи да се повлече и да му се посвети на семејството.

Тиери Анри, Златан Ибрахимовиќ, Давид Виља, Алексис Санчез и на крајот бразилската ѕвезда Нејмар. Каталонскиот тим се изнатроши пари за му го најде идеалниот партнер на Меси во нападот. На ред стигна најдобриот играч од Јужна Америка од кој очекувањата се огромни.

Словенецот Алеш Пипан повеќе не е тренер на МЗТ Скопје. Тој се враќа во родната земја и следната сезона ќе го предводи тимот на Унион Олимпија.

Кладилничар од Ирска викендов ќари 102.592 евра откако Базел ја освои шампионската титула во швајцарското првенство, а претходно имал погодено уште 11 други шампиони на европски лиги.

Мајами Хит предводени од Леброн Џејмс ги победија Индијана Пејсерс со 23 разлика (99:76) во седмиот натпревар од финалето на Истокот и се пласираше во големото финале од НБА лигата каде ќе се сретне со Сан Антонио Спарс.

Македонија забележа минимален пораз на гостувањето кај Шведска, а стрелец на единствениот погодок беше Александар Качаниклиќ, чиј татко е роден во Скопје, па младиот фудбалер до минатата година можеше да настапува и за нашата репрезентација.

Во шестата пресметка од финалето на Источната конференција кошаркарите на Индијана се изборија за мајсторка против Мајами Хит. Актуелниот шампион имаше катастрофални 36% шут од поле, но еден од клучните фактори за променливата нивна игра е падот на формата на Вејд.

Рускиот тенисер Михаил Јужни убедливо со 3:0 беше поразен од Германецот Томи Хас на Ролан Гарос, а на сето тоа реагираше како да е крај на светот.

По пауза од три години, во најелитното фудбалско друштво во Италија, кам бек направи Ливорно, тим чии навивачи се препознатливи по нивната левичарска политичка наклонетост која често пати преку разни знамиња и транспаренти ја истакнуваат за време на натпреварите.

Весникот „Гардијан“ петта сезона по ред го бира најубавиот за гол на сезоната. Изборот е огромен, а во конкуренција влегуваат многу мајстории, како на пример ножичките на Ибрахимовиќ и Мексес.