Камерите и фотоапаратите синоќа на „Олд Трафорд“ ги бркаа Роналдо и Меси, а тие намерно или не покажаа дека и покрај огромното ривалство се во ок односи.

Екипата на Глобко Логистик славеше убедлив триумф во вториот ден од седмото коло во Бизнис лигата, а тесни победи издвојуваат Eurolink и ЕЛЕМ.

Фудбалската асоцијација на Англија била принудена на полувремето од мечот Шкотска - Англија да стапи во контакт со бендот кој секаде го прати Гордиот Албион и да ги замоли да не им даваат ритам на останатите навивачи, кои пеат навредливи песни.

Перо Антиќ ја имаше последната прилика да го израмни резултатот против Лејкерси, но на 6 секунди до крајот на мечот не успеа да ја погоди тројката за продолженија.

Светската куќа на фудбалот поднесе кривична пријава против непознати сторители од својата организација кои се осомничени дека ја злоупотребиле функцијата при доделувањето на организација за Светските првенства во Русија и Катар.

И покрај тоа што заработува 16 милиони годишно, а договорот му трае до 2018 година со откупна клаузула од 250 милиони евра, четирикратниот освојувач на Златната топка за прв пат изјавува дека можно е да ја напушти Барселона.

Рукито на Мајами Хит, Шабаз Напиер на кој годинава не му се оствари желбата да игра заедно со Леброн Џејмс, направи толку брз потег со кој предизвика двајца кошаркари со заедничко искуство од 30 години во НБА лигата, да не знаат каде се наоѓаат.

Случајот со најскандалозниот црвен картон во фудбалот доби уште понеочекувана разврска на штета на клубот Маратон од Хондурас.

Аргентинецот и Португалецот се единствените двајца кои ја освојуваа наградата за најдобар фудбалер на светот во последните шест години. Во пријателска против Аргентина, Роналдо вечерва ќе игра пред своите во Манчестер, клубот во кој стана познато име.

Да играш во една од најсилните лиги во светот каде се вртат најголемите пари и да го носиш дресот на Манчестер Јунајтед, Ливерпул или Арсенал не е гаранција дека ќе добиеш повик во националниот тим. Веројатно најголемиот проблем е конкуренцијата.

Бо Мекејлеб вчера потпиша со евролигашот Баерн Минхен, а конкуренција за позицијата плејмејкер ќе му биде Србинот Василије Мициќ, кој на тренинг погоди седејќи.

Наместо најдобрите швајцарски тенисери, главна улога во полуфиналето на Мастерсот во Лондон одигра жена му на Федерер, која од трибините го пецкаше Станислас Вавринка додека сервираше за победа. На поранешната тенисерка не ѝ е првпат да биде во гро план.

Хозе Фернандез од Годој Круз прво даде гол за 1:0 против Естудијантес, а после го направи невозможното и промаши празен гол. На крајот конечен резултат 1:1.

Седмото коло во Бизнис лигата победнички го отворија и екипите на ArcelorMittal и Систина.

Денес на ТВ 1/4 финалето од македонскиот куп, како и пријателски натпревари, од кои ги издвојуваме Австрија - Бразил и Аргентина - Португалија.

Во 8. коло од Јадранската лига, кошаркарите на МЗТ Скопје го загубија и четвртиот натпревар по ред. Металац направи серија 11:0 во последните 2 минути и славеше 58:64.

Капитенот на македонската ракометна репрезентација викендов го торпедираше европскиот првак Фленсбург со 10 голови, а големи се шансите тој наскоро стане најдобар десен бек во светот.

Германецот Тони сигурно има некоја поврзаност со фудбал бидејќи на ватерполо натпревар во Дебрецин ја употреби ногата.

Пет селекторски смени, бод на Сан Марино, победа на Фарски Острови, прекинати натпревари и навивачки нереди го одбележија првиот дел од квалификациите за пласман на ЕП 2016 во Франција.

Секогаш кога ќе си помислите зошто Марио Балотели и покрај тоа што го ругаат прави толку глупоштини, потсетете се на изјавата на Мурињо.

Витрините ги наполни, џебовите ги преполни, а со уште два гола во Примера и осум за Аргентина може слободно да стане млад пензионер без никој да му замери.

Откако вчера вечер се повреди и Дејли Блинд, Манчестер сега има 10 повредени играчи, од кои 7 од одбраната. Против Арсенал следниот викенд, фудбалери од младинската школа ќе ги чуваат Алексис Санчез и Дени Велбек.

Турскиот прволигаш се меша во имиџот на фудбалерите кои се приморани да бидат скоцкани како во војска.