Во 1991, контроверзниот скулптор Марк Квин, познат и по 18-каратната златна статуа на Кејт Мос, почнал да изработува автопортрет, и тоа од 4,5 литри сопствена, замрзната крв. До денес има направено четири верзии.

Во 1993., неколку месеци пред објавувањето на славниот албум „Грејс“, Џеф Бакли изглегол на сцена во некој клуб во Њујорк, и инспириран од неговата средба со Дилан претходната вечер, почнал да го имитира.

Зависник, лажго, крадец, социопат, хедонистички кршач на законот - сè на што асоцира на прва рака таткото на Гонзо новинарството е содржано во оваа нова графичка биографија на немиркото од Луисвил, кој стана глобална книжевна икона.

Имам пријатели кои постојано ме пецкаат што во чанта си носам тефтерче, со кожна подврска и пенкалце, кое ми е скапоцен потсетник. Затоа и не е фер што тефтерчињата на луѓе многу попознати од мене се класифицираат како „маргиналија" од нивните животи. Претпоставувам и за многумина од нив, ако нешто не е запишано, исто како да не било, а големи се шансите и да не биде.

Иако не одредивме рок, некако осетивме дека токму денес е добар ден да се објават резултатите од акцијата „Ем згодни, ем начитани“, во која ве повикавме да испраќате фотографии од згодни дечки кои читаат.

Некако чувствуваме дека оваа статија ќе биде масовно шерувана. Зошто? Затоа што е за еден од најоткачените меѓу филозофите, кој со само една објавена книга во текот на животот, и тоа од само 75 страници, оставил траен печат. Нам додуше ни е доволна само една причина за да го цениме, неговото: „За она за што не може да се зборува, треба да се молчи".

Откако се замери со Израел и неговите сојузници заради песната „Она што морам да го кажам", нобеловецот оди чекор понатаму - сега се става на страна на Грција, нарекувајќи ја европската политика кон неа „срамна".

Инспириран од книгата на неодамна починатиот Морис Сендак, Спајк Џонз („Да се биде Џон Малкович", „Адаптација") ја претвора сликовницата од само 40 страници и сосема малку текст во прекрасен филм-фантазија.

Роден на 26. мај 1926, Мајлс е нарекуван „Пикасо на џезот", „квазар на кулот" и „темниот принц". Еден од пионерите на оркестарскиот џез, фузијата на џезот и рокот, и техно фанкот.

Со оглед на тоа што денес се поклопуваат Towel Day и некогашниот Ден на младоста, предлагаме спојување на најдоброто од двете - младите во главниот и другите градови во Македонија да стопираат по улици покриени само со крпи, кои би си ги поддавале, ко штафети.

Во Гинисовата книга на рекорди, издание од 2012., „Д-р Хаус" е прогласена за најпопуларно телевизиско шоу, со 81,8 милиони гледачи во 66 земји. 

Познатото виолончелско дуо од Хрватска објави видео за песната Hurt, која во оригинал ја изведуваат Nine Inch Nails, а дополнително ја прослави Џони Кеш.

Да не беа светите браќа кој знае со кое писмо ќе го пишувавме овој текст. Но најстарата позната словенска азбука која тие ја создале, не е кирилицата, туку глаголицата. Токму на ова писмо е напишано Евангелието од Ремс (Évangéliaire de Reims), богат илустриран ракопис со древно словенско потекло, врз кој се заколнувале француските кралеви.

Рамбо Амадеус и неговото магаре навистина не влегоа во финалето на Евровизија, но затоа добија текст во Економист. Поврзувајќи ги традициите на епската поезија на Његош, со онаа на премиерот на Црна Гора, и конечно со Рамбо, авторот на крај има добра поента - Црна Гора е книжевно село, како впрочем и и Македонија.

Рака на срце, и не сме толку изненадени што фотките од бугарските матурантки доживуваат таква популарност. Бизарното, абјектното, „кемпот" истовремено одбива, но и магично привлекува. Она што на филозофско ниво нè предизвикува е нешто друго. 

Од утре, 24. до 27. мај во Солун се одржува саем на книгата. Почесна земја-гостин е Србија, а со посебни манифестации ќе биде одбележана стогодишнината од раѓањето на еден од најголемите грчки поети, Никифорос Вретакос.

Во Париз е изложена импресивната ролна хартија, на која е напишан оригиналниот текст на култиот роман на Керуак, „На патот". Утре во Кан премиерно ќе се прикаже и филмската адаптација.

Лондонската галерија Хајвард ќе прикаже дела на Јоко Оно, Енди Ворхол и Ив Клајн. Само што тие нема да можат да се видат.

„Секој здрав човек би можел да издржи без храна два дена - но не и без поезија", пишува Бодлер. Сега, благодарение на Музејот на современа уметност во Њујорк, до животно важните стихови можете да дојдете само со едно вртење телефон.

Некој со ник kogonada специјализира правење видео есеи онлајн. И тоа еден вид есеј, кој се концентрира на само една карактеристика на одреден филмски автор - на пример компилации на кадри снимени од жабја перспектива од филмовите на Тарантино, или на оние снимени со субјективна камера во Breaking Bad.

Во обид за барем делумно балансирање на родовото фенг-шуи на сајтот, и по барање на нашите читателки, избор фини дечки, што читаат, и тоа книги. Плус повик за испраќање ваши слики - таа со најзгодниот читател според вашите гласови ќе биде наградена.

ТЕD и неговата мисија на споделување значајни идеи минатата недела беше доведена во прашање кога еден говор не беше поставен на официјалниот сајт, затоа што бил премногу политички обоен.