Предавање и промоција на книга за политичките графити на Балканот
25 октомври 2022
- Македонското студентско етнолошко друштво и Институтот за етнологија и антропологија на 27 октомври (четврток) организираат предавање на проф. Митја Великоња, од Универзитетот во Љубљана, на тема „Југославија по Југославија – графити за Југославија во постјугословенскиот урбан простор“. Предавањето ќе се одржи во просториите на Институтот од 12 часот. На 28 октомври (петок), пак, во СЦ „Дуња“ од 18 часот ќе се одржи промоција на книгата на Великоња „Постсоцијалистички политички графити на Балканот и во Централна Европа“.
- Уредник на изданието и негова преведувачка е Инес Црвенковска Ристеска, вонреден професор на Институтот за етнологија и антропологија при ПМФ. Книгата ќе ја промовира Филип Јовановски, уметнички директор и визуелен уметник на АКТО, а настанот ќе го модерира Еда Старова Тахир, асистентка на Институтот за етнологија и антропологија.
- „Користејќи квалитативни и квантитативни методи, како и детална интердисциплинарна анализа на поимот ’патриотски’, екстремно десничарски, навивачки, носталгични и шовинистички графити и улична уметност, Великоња се занимава со тоа кој и зошто го користи графитот како политички медиум и која е неговата целна група на којашто се обраќа“, велат организаторите.
