Двајца без тројца

Разбираме дека калеш Анѓа нејќе да се мажи за Турчинот, разбираме дека на оној црепот што заспал му го украле гунчето, разбираме дека  Деспина планираат да ја грабаат, никој да не знае... Ама, ќе ни објасни ли некој што се раскажува во оваа песна и како тоа одеднаш свадба и за кого побогу?

Пушти ја песната:

И еве го текстот:

Ме сакаа двајца тројца

Ме сакаја двајца-тројца граѓани,
мене мама за граѓани не дава.

Ме сакаја двајца-тројца селани,
мене мама за селани не ме даде.

Во недела свадба ми направија,
понеделник, зедов српот на рамо.

Понеделник зедов српот на рамо,
ме пратија право в' поле на жетва.

------------

Единственото логично објаснување кое ни текнува е дека малава малку се збунила; не ја омажиле туку ја вработиле.

7 декември 2012 - 09:19